ބޯކޮށް ވާރޭވެހުމާއެކު ގުގުރުމާއި ގުޅިގެން ހުދު ސަމާލު ނެރި މޫސުމަށް ސަމާލުވުމަށް މޯލްޑިވްސް މިޓިއޮރޮލިޖިކަލް ސާވިސް މެޓް އޮފީހުން އިލްތިމާސްކޮށްފިއެވެ.


މެޓު އޮފީހުން ލަފާކުރާ ގޮތުގައި އދ އަތޮޅުން ފެށިގެން ދ އަތޮޅަށް ބޯކޮށް ވާރޭވެހުމާއެކު ގުގުރާނެއެވެ.

މެޓުން ހުދު ސަމާލު ނެރިފައިވަނީ މިއަދުގެ 13:00 އިން 18:00 އަށްކަން ފާހަގަކޮށްލެވެއެވެ.

ކަނޑު ދަތުރު ކުރާ ފަރާތްތަކުން ހާދިސާއެއް ދިމާވެއްޖެ ނަމަ ލަސްނުކޮށް, އެމްއެންޑީއެފް ކޯސްޓް ގާޑްގެ ހިލޭ ގުޅޭ ނަންބަރު 191އަށް ގުޅައިގެން މަޢުލޫމަތު ހިއްސާ ކުރެއްވުމަށް އެމްއެންޑީއެފް އިންވެސް ވަނީ އިލްތިމާސް ކޮށްފައެވެ.