ދިވެހިރާއްޖޭގައި މިހާރު މިއޮތީ "ރެސްޓްރިކްޝަންސް އޮފް ޕްރިވިލެޖަސް" (އާރުއޯޕީ)ޖެހިފައި ކަމަށް ކުރީގެ ކޮމިޝަނަރ އޮފް ޕޮލިސް ހުސެއިން ވަހީދު ވިދާޅުވެއްޖެއެވެ.

ރައްޔިތުންގެ މަޖިލީހަށް ރައީސް އަބްދުﷲ ޔާމީން އުފައްދަވާ ޕާޓީއިން ނުކުންނަ ކެނޑިޑޭޓުން ތައާރަފްކުރުމަށް ބާއްވާ ސިލްސިލާ ޖަލްސާތަކުގެ ތެރެއިން އަންގާރަ ދުވަހުގެ ރޭ ބޭއްވި ޖަލްސާގައި ވާހަަކަ ދައްކަވަމުން ހުސެއިން ވިދާޅުވީ، މި ސަރުކާރުން ގެންގުޅެނީ ވަރަށް އަބުއި ސިޔާސަތުތަކެއް ކަމަށާ އެގޮތުން ޚިޔާލު ތަފާތު މީހުންނާ ސަރުކާރުގައި ތިއްބަވާ މީހުން ވާހަކަ ދެއްކުމަކީ މަނާ ކަމެއްގެ ގޮތުގައި މިހާރުގެ ސަރުކާރުގެ ސްޓެންޑާރޑް ވެފައިވާ ކަމަށެވެ.

ހުސެއިން ވިދާޅުވީ ގައުމުގެ ކަންކަން ހަމަމަގަށް އެޅުވޭނީ އެންމެނެްގެ ވެސް ޚިޔާލާ މަޝްވަރާ ހޯދައިގެން ކަމަށާ ބިނާ ކުރާ ފިކުރުގެ ތެރެއަށް ފަނާ ކުރާ ފިކުރު ވައްދައިގެން މޮޅު ހޯދަން އުޅުނަސް އެކަން ނުވާނެކަމަށެވެ.