ގައުމުގެ ހަރު މުދާ އެއްވެސް ސަރުކާރަކަށް ނުވިއްކޭނެކަމަށް ގާނޫނު އަސާސީގައި ލިޔެ ފާސްކުރަން ޖެހޭކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

ބުރާސްފަތި ދުވަހުގެރޭ ޕީއެންއެފުން ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޔާމީން ވަނީ ދާދި ފަހުން، އެންޓި ޑިފެކްޝަން ގާނޫނަށް ބަދަލުގެނެސް ރައްޔިތުންގެ މަޖިލީހުން ފާސްކުރި އިސްލާހަށް އިޝާރާތްކުރައްވާ ވާހަކަފުޅު ދައްކަވާފައެވެ.

އެގޮތުން ރައީސް ޔާމީން ވިދާޅުވީ، މިއަދު ދިވެހިންނަށް މުހިއްމީ އެފަދަ އިސްލާހުތަކެއް ފާސްކޮށް ރައީސުލްޖުމްހޫރިއްޔާގެ އަތްޕުޅަށް ހުރިހާ ބާރެއް ދެވޭނެ ގޮތަށް ގާނޫނުތައް އިސްލާހު ކުރުން ނޫން ކަމަށެވެ.

އެގޮތުން އެމްޑީޕީގެ އެންމެ ފުރަތަމަ ވެރިކަމުގައި ގައުމުގެ ހަރުމުދާ ވިއްކި އުސޫލުން މިއަދުގެ ސަރުކާރުންވެސް ހަރު މުދާ ވިއްކަން ފޫގެޅިކަން ފާހަގަކުރައްވާފައެވެ.

ރައީސް ޔާމީން އިތުރަށް ވިދާޅުވީ، ދުނިޔޭގެ އެންމެ ކުރިއަރާފައިވާ ގައުމުތަކުގައި ވެސް ބޮޑެތި އިންވެސްޓަރުންނަށް އެންކްރޯޗު ނުވެވޭނެ ކަންކަން ހުންނަ ކަމަށާ ނަމަވެސް ރާއްޖޭގައި އެއް ބަޔަކު މި ގެންގުޅެނީ ފީސަބީލިއްލާހި އުސޫލު ކަމަށެވެ.