ރައީސް އަބްދުﷲ ޔާމީންގެ އަތްޕުޅުން ޕީޕީއެމް އަތެއް ނުލެވޭނެ ކަމަށް ރައީސް ޔާމީން އަލަށް އުފައްދަވާ ޕާޓީ ޕީޕަލްސް ނެޝެނަލް ފްރޮންޓް (ޕީއެންއެފް) އުފެއްދެވުމުގައި އިސްކޮށް ހަރަކާތްތެރިވާ އަނީސާ ވިދާޅުވެއްޖެއެވެ.

އަނީސާ މިފަދައިން ވިދާޅުވެފައި ވަނީ ހޮނިހިރު ދުވަހުގެ ރޭ ޗެނަލް13 އިން ގެނެސްދިން ޕީއެންއެފް އަދާހަމައިގައި ވާހަކަދައްކަވަމުންނެވެ.

އަނީސާ ވިދާޅުވީ ހަގީގަތުގައި ރައީސް ޔާމީން އަތްޕުޅުން ޕީޕީއެމް އަތެއް ނުލެވޭނެ ކަމަށާއި އެއީ ކޯޓު މަރުހަލާއިން ރައީސް ޔާމީނަށް ލިބިފައިވާ ޕާޓީ އެއް ކަމަށެވެ.

މީގެ އިތުރުން އަނީސާ ވިދާޅުވީ ރައީސް ޔާމީން ޕީޕީއެމް ދޫކޮށް ދިޔައީ ރައީސް ޔާމީން ހެޔޮފުޅުކަމުން އެބޭފުޅުންނާ މައްސަލަ ނުޖެހެން ކަމަށެވެ.

މީގެ އިތުރުން އަނީސާ ވިދާޅުވީ މިގައުމުއި މިއަދު ރައީސް ޔާމީން ވެރުގެ ގާބިލް، ކެރޭ، ކުޅަދާނެ ދެވަނަ ލީޑަރު ނެތް ކަމަށެވެ. އަދި މި ގައުމުގެ ރައްޔިތުންނަށާއި ގައުމަށް އިހުލާސްތެރި ވެރިއަކު ރައީސް ޔާމީން ނޫނީ ނުފެންނަ ކަމަށެވެ.

އެމަނިކުފާނު މި ރާއްޖޭގެ ރައްޔިތުންނަށް ކޮށްދެއްވި ހެޔޮ ކަންތަކާ، ރައްޔިތުންނަށް ލިބުނު އާމްދަނީ ފެންނަށް އެބަހުރި ކަމަށް ވެސް އަނީސާ ވަނީ ވިދާޅުވެފައެވެ.