ޗައިނާގެ ފްރީ ޓްރޭޑް އެގްރީމެންޓް އާއި ޑިއުޓީ ދަށްވުމާ ގުޅުމެއް ނެތް ކަމަށް ބުނެ އިކޮނޮމިކް މިނިސްޓަރު މުހައްމަދު ސައީދު އިތުރުފުޅު ހައްދަވައިފިއެވެ.

ސައީދު މިހެން ވިދާޅުވީ އަހާ ފޯރަމްގައި ރައްޔިތަކު ކުރި ސުވާލަކަށް ޖަވާބު ދެއްވަމުންނެވެ.

މިނިސްޓަރު ސައީދު މިފަދައިން ވިދާޅުވި ނަމަވެސް އެކަން ފިނޭންސް މިނިސްޓްރީން ނެރޭ ވީކްލީ ފިސްކަލް ޑިވަލޮޕްމަންޓްސް ރިޕޯޓުން އިނގެއެވެ.

އެގޮތުން މި އަހަރު ފެބްރުއަރީ 6ގެ ނިޔަލަށް 138.3 މިލިއަން ރުފިޔާ އިމްޕޯޓު ޑިއުޓީގެ ގޮތުގައި ލިބިފައިވާ އިރު މިދިޔަ އަހަރުގެ އެ މުއްދަތުގައި 384.9 މިލިއަން ރުފިޔާ ލިބިފައިވާކަން ފާހަގަކޮށްލެވެއެވެ. ޗައިނާ އާއި އެކު ހަދާފައިވާ ފްރީ ޓްރޭޑް އެގްރީމަންޓަށް އަމަލު ކުރަން ފެށީ މި އަހަރުކަންވެސް ފާހަގަ ކޮށްލެވެއެވެ.

މިދިޔަ މަހެއްހާ ދުވަހު ދައުލަތުގެ އާމްދަނީ 19 ޕަސެންޓު ދަށްވި އިރު އިމްޕޯޓު ޑިއުޓީން އެކަނި 64 ޕަސެންޓު ގެއްލިފައިވާކަންވެސް ފިނޭންސް މިނިސްޓްރީގެ ތަފާސްް ހިސާބުން ދައްކައެވެ.

މި އަހަރުގެ މިހާތަނަށް އާމްދަނީގެ ގޮތުގައި 3.7 ބިލިއަން ރުފިޔާވަނީ ލިބިފައެވެ. އެއީ މިދިޔަ އަހަރަށް ވުރެ 874 މިލިއަން ރުފިޔާ ދަށް އަދަދެކެވެ.