Rayyithunge Dhusthooree Hagguthakah Kurimathivefaivaa Iaadha Nukureveyfadha Natheejaa Aai Medhu Sharuee Dhairaa Hanu Onnaaneetho: Dr Jameel

ރައީސް އަބްދުﷲ ޔާމީން އަބްދުލްގައްޔޫމްގެ ހުކުމް ބާތިލްވުމާއެކު ރައްޔިތުންގެ ދުސްތޫރީ ހައްގުތަކަށް ކުރިމަތިވެފައިވާ އިއާދަ ނުކުރެވޭފަދަ ނަތީޖާ އާއި މެދު ޝަރުޢީ ދާއިރާ ހަނު އޮތުުމުން އެކަމާއި ޑރ ޖަމީލް ފާޑު ވިދާޅުވެއްެޖެއެވެ.

ޑރ ޖަމީލް މިފަދައިން ވިދާޅުވެފައިވަނީ ކުރެއްވި އެކްސް ޕޯސްޓެއްގައެވެ.

ސުޕްރީމް ކޯޓަކީ މިނިވަން އިންސާފު ހޯދައިދިނުމަށް އެއްވެސް ނުފޫޒެއް އަދި އެއްފަރާތްވުމެއް ނެތި މަސައްކަތް ކުރަން ޖެހޭ ކޯޓެއްކަމަށް ޑރ ޖަމީލްވަނީ ފާހަގަ ކުރައްވާފައެވެ.

ރައީސް ޔާމީންގެ ކެންޑިޑެސީ ބާތިލް ކުރުމުގައި ދީފައިވާ ތާރީހީ އަދި ގިނަ ސުވާލުތަކެއް އުފެދޭ ހުކުމަކީ އަދިވެސް އާންމުންނާއި ގާނޫނީ ތަޖުރިބާކާރުންގެ މެދުގައި ޚިޔާލު ތަފާތުވާ ކަމެއްގެ ގޮތުގައި އެމަނިކުފާނު ސިފަ ކުރެއްވިއެވެ.

އެގޮތުން ދަށު ކޯޓަކުން ކުރި ހުކުމަށް ބިނާކޮށް ރައީސް ޔާމީންގެ ކެންޑިޑެސީ ބާތިލް ކުރުމަށް ސުޕްރީމް ކޯޓުން ތާއީދު ކުރިއިރު، އެ ހުރިހާ ވަގުތެއްގައި ވެސް އެ ކޯޓުން އިސްތިއުނާފު ކުރި މައްސަލަ ތަކުރާރުކޮށް ފަސް ކުރުމާއި އެކު އަވަސް އަޑުއެހުމެއް ބާއްވަން އިންކާރު ކުރިކަމަށް ޑރ ޖަމީލްވަނީ ފާހަގަ ކުރައްވާފައެވެ. ގިނަ ބަޔަކު ގަބޫލުކުރާ ގޮތުގައި އެމަނިކުފާނުގެ ވާދަވެރިޔާ އޭރުގެ ރައީސް އިބްރާހީމް މުހައްމަދު ސޯލިހު 2023 ވަނަ އަހަރުގެ ރިޔާސީ އިންތިހާބުން ކޮންމެ ގޮތެއްވިޔަސް މޮޅުވުމުގެ މަގުސަދުގައި ރައީސް ޔާމީން ސިޔާސީ މައިދާނުން އެއްފަރާތް ކުރުމުގެ ނިޔަތުގައި ނުފޫޒު ފޯރުވިކަމަށް ތުހުމަތު ކޮށްފައެވެ.

Supreme Court of the #Maldives and Judiciary must be committed without any influence and bias to delivering fair, impartial and independent justice.

Historical and questionable judgement given in rejecting the candidacy of former President Yameen still divides opinion among the… pic.twitter.com/mCMXAbTo2w
— Mohamed Jameel Ahmed (@MJameelAhmed) February 17, 2025

މިހާރު ރައީސް ޔާމީންގެ ހުކުމް ބާތިލްވުމާއެކު ރައްޔިތުންގެ ދުސްތޫރީ ހައްގުތަކަށް ކުރިމަތިވެފައިވާ އިއާދަ ނުކުރެވޭފަދަ ނަތީޖާ އާއި މެދު ޝަރުޢީ ދާއިރާ ހަނު އޮންނާނީތޯ ޑރ ޖަމީލްވަނީ އައްސަވާފައެވެ.

މާޓިން ލުތަރ ކިންގް ޖޫނިއަރ ވިދާޅުވި ކުއޯޓެއްވެސް އެ ޕޯސްޓުގައި ޑރ ޖަމީލްވަނީ ހިއްސާކޮށްފައެވެ. އެ ކުއޯޓުގައި ބުނެފައިވަނީ އަނިޔާވެރިވުމަކީ ކޮންމެ ތަނެއްގައި ވެސް އިންސާފަށް އޮތް ނުރައްކަލެއްކަމަށެވެ.

މިއަދުވެސް ޖުޑިޝަރީގެ މައްޗަށް ރައްޔިތުންގެ އިތުބާރު ނެތްކަން ޑރ ޖަމީލްވަނީ ފާހަގަ ކުރައްވާފައެވެ. އެގޮތުން ޖުޑީޝަލް އެޕޮއިންޓްމަންޓްތަކާއި ޕްރޮސެސްތައް ނިޒާމަށް ކުރިމަތިވެފައިވާ ގޮންޖެހުންތައް މައިގަނޑު ގޮތެއްގައި ދެމި އޮންނަކަމާއި އެއީ ހަގީގަތްކަން ގަބޫލުކުރަން ޖެހޭކަމަށް އެމަނިކުފާނުވަނީ ފާހަގަ ކުރައްވާފައެވެ.