މޯލްޑިވްސް އިންޑަސްޓްރިއަލް ފިޝަރީޒް ކޮމްޕަނީ ލިމިޓަޑް މިފްކޯގެ އިސް ތިން ވެރިޔަކު ވަޒީފާއިން ވަކިކޮށްފިއެވެ.

އެ ކުންފުނިން ހާމަ ކުރާ ގޮތުގައި ތިން ޖެނެރަލް މެނޭޖަރުން ވަޒީފާއިން ވަކިކޮށްފައިވަނީ އެ ކުންފުނީގެ މެނޭޖުމެންޓު ޕާރފޯމަންސް ރިވިއުއެއް ކުރުމަށްފަހެވެ.

އެގޮތުން ކުންފުނީގެ ހިންގުން މިހާރަށްވުރެންވެސް ބޮޑަށް ހަރުދަނާ ކުރުމަށް ގެންނަން ޖެހޭ ވަގުތީ އަދި ދާއިމީ މުހިންމު ބަދަލުތައް މިހާރު ދަނީ ގެންނަމުންކަމަށް މިފްކޯއިން ބުނެފައިވެއެވެ. އަދި މިކަމުގެ މަގްސަދަކީ ޒިންމާދާރުކަން ކަށަވަރުކުރުމާއި ހިންގުން ހަރުދަނާކުރުންކަމަށް މިފްކޯއިންވަނީ ހާމަކޮށްފައެވެ.

މިފްކޯ އިން އެފިޝެންސީ ރަނގަޅު ކުރުމަށް ނިމިދިޔަ އަހަރުން ފެށިގެން ގިނަ މަސައްކަތެއް ކުރިކަމަށްވެސް އެ ކުންފުނިންވަނީ ބުނެފައެވެ.