އިންޑިއާ ސިފައިން ދިވެހި މޮސްދޯނިފަހަރަށް އެރި މައްސަލައާ ގުޅިގެން މަސްވެރިންނަށް ދޭންޖެހޭ ފުރިހަމަ ކަށަވަރުކަން މި ސަރުކާރަށް ނުދެވޭ ކަމަށް ރައީސް އަބްދުﷲ ޔާމީން އަބްދުލް ގައްޔޫމް ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވީ ރައީސް ޔާމީން އަަލަށް އުފައްދަވާ ޕާޓީ ޕީއެންއެފްގެ ފަރާތުން މަޖިލިސް އިންތިހާބަށް ވާދަކުރައްވާ ކެނޑިޑޭޓުން ތައާރަފް ކުރުމަށް އާދިއްތަ ދުވަހުގެ ރޭ ބޭއްވި ޖަލްސާގައި ކެންޑިޑޭޓަކާ ސުވާލު ކުރައްވަމުންނެވެ.

ރައީސް ޔާމީން ވިދާޅުވީ އިންޑިއާ ސިފައިން ދިވެހި މަސްދޯނި ފަހަރަށް އެރުމާ ގުޅިގެން ސަރުކާރުން މަސްވެރިންނަށް ދޭންޖެހޭ ކަށަވަރުކަން އަދި ނުދެވޭ ކަމަށާ މިހާރު މަސްވެރިން މަހަށް ނިކުތުމަށް ސިހުންތެރި ކަންތައްތަކެއް ހުންނާނެ ކަމަށެވެ.

މީގެ އިތުރުން ރައީސް ޔާމީން ވިދާޅުވީ ހަތިޔާރު ހިފައިގެން ސިފައިން އަރާ އެފަދަ އަމަލެއް ހިނގާކަށް އެއްވެސް ބަޔަކު ބޭނުން ނުވާނެ ކަމަށެވެ.

މީގެ އިތުރުން ރައީސް ޔާމީން ވިދާޅުވީ މިކަމާ ގުޅިގެން ހަމައެކަނި އިންޑިއާއާ ވާހަކަ ދައްކާލިޔަސް ނުވާނެ ކަމަށާއި މިކަމުގެ އިންޑިއާގެ ކަށަވަރުކަން ހޯދަން ޖެހޭ ކަމަށެވެ.