ސިޔާސީ ކަންކަމަށް މަޖިލީހުގެ ރައީސް އަބްދުއްރަހީމް އަބްދުﷲ ރައީސް ޑރ މުހައްމަދު މުއިއްޒަށް ވުރެ ކުޅަދާނަކަމަށް ޕީޕަލްސް ނޭޝަނަލް ފްރަންޓް ޕީއެންއެފްގެ ސެކްރެޓަރި ޖެނެރަލް މުހައްމަދު މަލީހު ޖަމާލް ވިދާޅުވެއްޖެއެވެ.
މަލީހު މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.
އެ ޕޯސްޓުގައި މަލީހުވަނީ އަބްދުއްރަހީމް މުއިއްޒުގެ މައްޗަށް ކުރި ހޯދައިފިކަމަށް ވިދާޅުވެފައެވެ.
އެގޮތުން އަބްދުއްރަހީމާއި ގާތް ހުރިހާ ބޭފުޅުން މަގާމުތަކުން ވަކި ކުރެއްވި އިރު އެމަނިކުފާނު ވަކިކުރަން އޮތް އޮތުން އަބްދުއްރަހީމް ލަސްކުރުވީ ރައީސް މުއިއްޒުގެ ބޮލަށް ވަރަށް މޮޅަށް އެރިގެންކަމަށް ފާހަގަ ކުރައްވާފައެވެ.
މިހާރު ޕީޕަލްސް ނޭޝަނަލް ކޮންގްރެސް ޕީއެންސީ ތެރެއިން މަސައްކަތް ކުރަމުންދަނީ އަބްދުއްރަހީމްގެ ޓީމް އަލުން ރުކުރުވާލުމުގެ މަސައްކަތްކަމަށް މަލީހު ވިދާޅުވިއެވެ.
