ފަނޑިޔާރުންގެ އަދަދު މަދުކުރާ ބިލް މަޖިލިސް ޖުޑިޝަރީ ކޮމިޓީން ފާސްކޮށްފިއެވެ.
ސުޕްރީމު ކޯޓުގެ ސުޕްރީމް ކޯޓުން ދެ ފަނޑިޔާރުން ވަކިކުރާ ގޮތަށް ސަރުކާރު ހިންގާ ޕީއެންސީއަށް ނިސްބަތްވާ ހޮޅުދޫ ދާއިރާގެ މެންބަރު އަބްދުއްސައްތާރު މުހައްމަދު ހުށަހެޅި ބިލު މިއަދު ވަނީ މަޖިލީހަށް ބަލައިގެންފައެވެ.
އެ ބިލު ބަލައިގަތުމާ މެދު ތަޅުމުގައި ނެގި ވޯޓުގައި ބައިވެރިވެވަޑައިގަތީ 76 މެންބަރުންނެވެ. އޭގެ ތެރެއިން 64 މެންބަރުންގެ ވޯޓާ އެކު ބިލު ބަލައިގެންއިރު ދެކޮޅަށް ވޯޓު ދެއްވީ އިދިކޮޅަށް ނިސްބަތްވާ 12 މެންބަރުންނެވެ.
ބިލު ބަލައިގަތުމަށް ފަހު ކުރިއަށް ދިޔަ އިބްތިދާއީ ބަހުސްގެ ވަގުތުގައި މެމްބަރުން ވަނީ ފަނޑިޔާރުންގެ އަދަދު މަދުކުރާ ބިލާއި ގުޅޭގޮތުން ބަހުސްކޮށްފައެވެ.
ބިލު އޭގެ ފަހުން ކޮމިޓީއަށް ފޮނުވާ، ކޮމިޓީ މަރުހަލާގައި ގިނަ މަޝްވަރާތަކެއް ކުރުމަށްފަހު ބިލާ މެދު މިއަދުން މިއަދަށް ވަނީ ގޮތް ކޮމިޓީއިން ނިންމާފައެވެ. އެގޮތުން އެ ބިލު ކޮމިޓީން ވަނީ ފާސްކޮށްފައެވެ.
ބިލު ފާސްކުރުމަށް ފެންނަކަމަށް 7 މެމްބަރަކު ވޯޓު ދެއްވިއިރު ނުފެންނަކަމަށް 2 މެމްބަރަކު ވޯޓުދެއްވިއެވެ. ނުފެންނަ ކަމަށް ވޯޓު ދެއްވި މެމްބަރުންގެ ތެރޭގައި ވެރިކަން ކުރާ ޕީއެންސީގެ ތަމްސީލު ކުރައްވާ ހުރާ ދާއިރާ މެމްބަރު އަނާރާ ނައީމު ހިމެނިވަޑައިގަންނަވައެވެ.
