ސަރުކާރުގެ މަސް ކުންފުނި، މިފްކޯއަށްހަމަޖެއްސި ފުރަތަމަ ބޭރު ސީއީއޯ، ޑރ. ވިޓާލީ ލިއުބިމޮވް މަގާމުން ވަކިކޮށްފި އެވެ.
ސްވިޓްޒަލެންޑްގެ ރައްޔިތެއް ކަމަށްވާ، ޑރ. ވިޓާލީ އެ މަގާމަށް އައްޔަނުކުރީ މިދިޔަ އަހަރުގެ ޑިސެމްބަރު މަހުގެ ތެރޭގަ އެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)އިން މިރޭ ބުނީ، މިފްކޯގެ ސީއީއޯކަމުން ވިޓާލީ ވަކިކޮށްފައިވާ ކަމަށެވެ. ނަމަވެސް، އިތުރު ތަފްސީލެއް ނުދެ އެވެ.
މި ސަރުކާރު އައުމަށް ފަހު މިފްކޯގެ ސީއީއޯ އަދި މެނޭޖިން ޑިރެކްޓަރަކަށް ހަމަޖެއްސީ އަހުމަދު ޝަމާހު ރަޝީދު އެވެ. އޭނާގެ މައްޗަށް ތުހުމަތުވި ކޮރަޕްޝަންގެ މައްސަލަތަކެއް ބެލުމަށް ފަހު ސަރުކާރުން ވަނީ މޭ މަހުގެ ތެރޭ އޭނާ މަގާމުން ވަކިކޮށްފަ އެވެ. އެއަށް ފަހު މިފްކޯގެ އެމްޑީ އަދި ސީއީއޯގެ މަގާމު އޮތީ ހުސްކޮށެވެ.
