ރާއްޖޭގެ އެކި ސަރަހައްދުތަކަށް ގުގުރުމާއެކު ވިއްސާރަ ކުރާނެ ކަމަށް ގައުމީ މޫސުމާ ބެހޭ އިދާރާ މޯލްޑިވްސް މިޓިއޮރޮލިޖިކަލް ސާވިސަސް މެޓު އޮފީހުން ލަފާކޮށްފިއެވެ.
އުތުރުގެ އަތޮޅުތަކާއި މެދު ރާއްޖެ ތެރެއަށް އިރުއުތުރާއި އިރުން ގަޑިއަކު 3 މޭލާއި 13 މޭލާ ދެމެދުގެ ބާރުމިނުގައި ވައިޖެހޭނެކަމަށް މެޓުންވަނީ ލަފާކޮށްފައެވެ.
ކަނޑުތައް އާދައިގެ ވަރަކަށް މަޑުވާނެކަމަށް ލަފާކޮށް ރާޅުތަކުގެ އުސްމިން 1-3 ފޫޓުގައި ހުންނާނެ ކަމަށް ވެސް އެ އިދާރާއިން ލަފާކޮށްފައިވެއެވެ.
ނިމުނު ހަފްތާ އަކީ ރާއްޖޭގައި އިހުސާސްކުރެވުނު ހޫނުމިން ވަރަށް މައްޗަށް ދިޔަ ހަފްތާއެއްކަން ފާހަގކޮށްލެވެއެވެ. ނަމަވެސް އިއްޔެއިން ފެށިގެން ރާއްޖޭގެ އެކި ސަރަހައްދުތަކަށް ވިއްސާރަ ކުރަމުން އެބަދެއެވެ.
ވިއްސާރައިގެ ސަބަބުން އެއްވެސް ގެއްލުމެއް ލިބޭނަމަ އެކަން ކަމާބެހޭ އިދާރާތަކަށް ވަގުތުން އެންގުމަށް ވެސް މެޓުންވަނީ އިރުޝާދު ދީފައިވެ.
