ސަހްޔޫނީން ޣައްޒާއަށް އަލުން ދިން ހަމަލާތައް ދޭން ފެށި ފަހުން ފާއިތުވި 10 ދުވަސް ތެރޭގައި ފަލަސްތީނުގެ ގާތްގަޑަކަށް 322 ކުދިން ޝަހީދުކޮށްލާފައިވާ ކަމަށް އދގެ ކުޑަކުދިންނާބެހޭ އިދާރާ، ޔުނިސެފުން ބުނެފި އެވެ.

މިއީ ޣައްޒާގައި ހަރަކާތްތެރިވާ ހަމާސް ނައްތާލުމަށް ކަމަށް ބުނެ ސަހްޔޫނީން ހިންގަމުން ގެންދާ ގަތުލުއާންމު، އޮކްޓޯބަރު 2023 ގައި ފަށައިގަތް ފަހުން ކޮންމެ ދުވަހެއްގެ ވެސް ނަތީޖާ އެވެ.

އދ.ގެ ކުޑަކުދިންގެ އިދާރާއިން ނެރުނު ބަޔާނެއްގައި ބުނީ މި އަދަދުތަކުގެ ތެރޭގައި ޣައްޒާގެ ދެކުނުގައި އޮންނަ އަލް ނާސިރު ހޮސްޕިޓަލުގެ ސާޖިކަލް ޑިޕާޓްމަންޓަށް މިދިޔަ މަހުގެ 23 ވަނަ ދުވަހު ދިން ހަމަލާއެއްގައި ޝަހީދުވި ނުވަތަ ޒަހަމްވި ކުދިން ވެސް ހިމެނޭ ކަމަށެވެ. މިހާތަނަށް ޒަހަމްވި ކުދިންގެ އަދަދު ވެސް 612 އަށް އަރާ ކަމަށް އެ ޖަމިއްޔާއިން ބުންޏެވެ.

ޔުނިސެފްގެ ބަޔާނުގައި ބުނެފައިވަނީ ދޮޅު އަހަރުގެ ހަމަލާތަކުގައި 15،000 އަށް ވުރެ ގިނަ ކުދިން މަރުވެ، 34،000 އަށް ވުރެ ގިނަ ކުދިން ޒަހަމްވެފައިވާ ކަމަށް ރިޕޯޓް ކޮށްފައިވާ ކަމަށެވެ. އަދި ގާތްގަނޑަކަށް އެއް މިލިއަން ކުދިންގެ ގެދޮރު ތަކުރާރުކޮށް ގެއްލި، އަސާސީ ހިދުމަތްތަކުން މަހުރޫމްވި ކަމަށް ވެސް ބުނެފައިވެ އެވެ.

ސަހްޔޫނީން ބޮންއެޅުމުގެ ސަބަބުން ވަޅުލެވިފައި ތިބި މީހުންނާއި، އިމާރަތްކުގެ ދަށުގައި ތާށިވެފައި ތިބި މީހުންނާ ހިސާބަށް ދިއުން ސަލާމަތީ އޮފިޝަލުންނަށް ވެސް ރައްކާތެރި ނޫން ކަމަށް ގާޒާގެ ހެލްތު މިނިސްޓްރީން ބުންޏެވެ. ޔުނިފެސުން ވަނީ ކުޑަކުދިންގެ ހައްގު ހޯދައިދިނުމަށް ދުނިޔެ ތެދުވެ މަސައްކަތް ފެށުމަށް ގޮވާލައިފަ އެވެ.

ހަމާސް އާއި ސަހްޔޫނީންނާއި ދެމެދު ސުލްހަ ގާއިމުކުރުމަށް ކުރި މަސަައްކަތްތައް އުވާލައި ސަހްޔޫނީން އެ ވަނީ ހަނގުރާމަ އަލުން ފަށާފަ އެވެ.