ރައްޔިތުންގެ އެދޭ ފަދަ ތަރައްގީގެ ހުވަފެންތައް ހަގީގަތަކަށް ހެދޭ ވަރުގެ ގާބިލްކަމެއް ހުރި ބޭފުޅަކީ ހަމަ އެކަނި ރައީސް އަބްދުﷲ ޔާމީން އަބްދުލް ޤައްޔޫމް ކަމަށް އެމަނިކުފާނުގެ ތާއީދާއެކު 20 ވަނަ ރައްޔިތުންގެ މަޖިލީހުގެ ފޭދޫ ދެކުނު ދާއިރާއަށް ކުރިމަތިލައްވާފައިވާ ކެންޑިޑޭޓް، ނޫރުﷲ ސައީދު ވިދާޅުވެއްޖެއެވެ.

އޭނާ މިފަދައިން ވިދާޅުވީ ޗެނަލް 13 އިން ގެނެސްދޭ ޕީއެންއެފް އަދާހަމަ ޕްރޮގްރާމްގެ ތެރެއިން ވާހަކަދައްކަވަމުންނެވެ.

ރައްޔިތުންގެ މަޖިލީހަށް ކުރިމަތިލުމަށް ރައީސް ޔާމީންގެ ތާއީދު ޚިޔާރުކުރެއްވީ ކީއްވެގެންތޯ ސުވާލުކުރުމުން އޭނާ ވިދާޅުވީ އނާގެ ދާއިރާއަށް ވަރަށް ފޮނި އުންމީދުތަކާއި ހުވަފެންތަކެއް ބަލާ ކަމަށެވެ. އަދި ވިދާޅުވީ އެކަން ހާސިލްކުރުމަށް މަގުދައްކާނެ ފަރާތެއް ވަރަށް މުހިންމު ކަމަށެވެ.

އެގޮތުން އެފަދަ ކަމެް ހާސިލްކުރުމަށް އެންމެ ގާބިލްބޭފުޅަކީ ރައީސް ޔާމީން ކަމަށްވެސް ނޫރު ވަނީ ފާހަގަކުރައްވާފައެވެ.

މީގެ އިތުރުން ނޫރު ވަނީ އެމނަިކުފާނަކީ ސިޔާސީ ގޮތުން ވަރަށް ވަރުގަދަ ބޭފުޅެއްގެ ގޮތުގައި ސިފަކުރައްވާފައެވެ.

މީގެ އިތުރުންވެސް ގިނަ ބަޔަކު ވިދާޅުވަމުންދަނީ ރައީސް ޔާމިން ގެނެސްދެއްވި ތަރައްގީ ގެނައުމުގެ ގާބިލްކަން އިތުރު ބޭފުޅެއްގެ އަދި ނެތް ކަމަށެވެ.