ރައްޔިތުންގެ މަޖިލީހުގެ ޖުމްލަ މެމްބަރުން ގުނާގޮތް ބަޔާން ކުރާ މާއްދާ ބާތިލް ކުރަން ސަރުކާރުން އެދިފައި ވަނިކޮށް، އެ މާއްދާތައް ގަވާއިދުން ނަގާ، ބަދަލުތަކަކާއި އެކު އެހެން މާއްދާއެއްގައި ހިމަނަނަން މަޖިލީހުގެ އާްންމު ކޮމިޓީއިން ފާސްކޮށްފިއެވެ.

އާންމު ކޮމިޓީއިން ބުރާސްފަތި ދުވަހު ނިންމީ ބާތިލް ކުރުމަށް ހުށަހަޅާފައިވާ ތިން މާއްދާ ގަވާއިދުން ނުނެގުމަށާއި ، އަދި އަހަަމަ އެއާެކު އެ ވާހަކަތައް އެހެން މާއްދާއެއްގައި ހިމެނުމަށެވެ.

ބަތިލް ކުރަން ހުށަހަޅާފައިވާ ތިން މާއްދާއަކީ ރައްޔިތުންގެ މަޖިލީހުގެ 49 ވަނަ މާއްދާގެ ކ އާއި، އ އާއި، ވ އެވެ. މި މައްސަލަ ހުށަހަޅާފައިވަނީ ބަންޑާރަ ނައިބު އަހްމަދު އުޝާމެވެ.

ގާނޫނު ބުނާގޮތުން މެމްބަރެއްގެ ގޮނޑި ހުސްވެއްޖެނަމަ އަލުން އެ ގޮނޑިއަށް މެމްބަރަކު އިންތިހާބު ކުރަން ޖެހޭނީ އާންމު އިންތިހާބާ ދެމެދު ހަޔަކަށްވުރެ ގިނަ މަސް ދުވަސް އޮވެއްޖެ ނަމަ އެވެ.

މިވަގުތު މަޖިލީހުގައި ތިބީ 87 މެމްބަރުންގެ ތެރެއިން 80 މެމްބަރުންނެވެ. އެ ގޮނޑިތައް ހުސްވި މިދިޔަ ނޮވެމްބަރު މަހުގައެވެ.