އެސްޓޯނިއާ އިންވިޓޭޝަން ވެސް ރައިސް ޑރ. މުހައްމަދު މުއިއްޒުވަނީ އޮޅުވާލައިފައިކަމުގައި ކުރީގެ ޔޫތް މިނިސްޓަރ މުހައްމަދު މަލީހް ޖަމާލް ވިދާޅުވެއްޖެއެވެ.

ޕީއެންއެފް ޖަލްސާގައި ވާހަކަފުޅު ދައްކަވަމުން މަލީހު ވިދާޅުވީ، އެސްޓޯނިޔާ އިންވިޓޭޝަނަކީ އެބޭފުޅުންގެ ހިދުމަތްތައް ޤައުމުތަކަށް ވިއްކުމަށްޓަކައި އަންނަ އިންވިޓޭޝަން އެކަމަށެވެ. މި އިންވިޓޭޝަންއަކީ 2019 ވަނަ އަހަރު ޖަނަވަރީ މަހު ދަތުރު ކުރުމަށްޓަކައި ސެޕްޓެންބަރު މަހު ޑރ ޖަމީލަށް ލިބިފައިވާ އިންވިޓޭޝަނެއް ކަމުގައި ވެސް ވަނީ ބުނެފައެވެ.

އެމަނިކުފާނު ވިދާޅުވީ އެ އިންވިޓޭޝަންއަކީ އެކި ގައުމުތަކުގެ އިސް ވެރިންނަށް އެސްޓޯނިޔާގެ ކޭސް ސްޓަޑީ ކުރުމަށް ދެވޭ އިންވިޓޭޝަނެއް ކަމަށެވެ. އަދި މިއިންވިޓޭޝަނަކީ ކޮންމެހެން ރައޖުމުހުރިއްޔާ ފޮށި ބަދެގެން ދާންޖެހޭ ދަތުރެއް ނޫން ކަމަށެޥެ.

ރައީސް މުއިއްޒުއަކީ ޑިޖިޓަލް މީހެއް ނޫންކަމަށާ އެބޭފުޅާ މޭޔަރުކަން ކުރެއްވިއިރު ވަރަށް ރަނގަޅަށް އެނގިލައްވާ ކަމުގައި މަލީހު ވަނީ ވިދާޅުވެފައެެވެ.

ގައުމެއް ޑިޖިޓަލް ކުރާނަމަ ނުވަތަ އިލެކްޓްރޯނިކް ނިޒާމެއްގެ ތެރެއިން ހިދުމަތް ދޭނަމަ އެންމެ ފުރަތަމަ ބެލެން ޖެހޭނީ ޑޭޓާގެ ޕްރޮޓެކްޝަންކަން މަލީހު ފާހަގަކުރައްވާފައިވެއެވެ.

ރައީސް މުއިއްޒު ރާއްޖެ ޑިޖިޓަލް ކުރަން ބޭނުންވާ ސަބަބާކީ ކޮރަޕްޝަން ނައްތާލުން ކަމުގައި ބުނި ނަމަވެސް މޭޒު ދަށުން އެހިންގާ ކޮރޮޕްޝަންގެ އަމަލެއް ނުހުއްޓުވޭނެ ކަމުގައި މަލީހު ވަނީ ވިދާޅުވެފައެވެ.