ތިލަވެފައިވާ، ސަރުކާރުގެ ވެރިންގެ މާލީ ބަޔާންތަކުން ހާމަވަނީ އިސްވެރިން އިސްކޮށްފައިވަނީ އޮޅުވާލުމާ މަކަރުކަން ކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.
މަލީހު މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.
މަލީހުގެ ޕޯސްޓުގައި ވިދާޅުވެފައިވަނީ، ސަރުޚާރުގެ އިދާރާއަކަށް ހަގީގަތާ ޚިލާފު މައުލުމާތު ފޯރުކޮށްދީފައިވާ ކަމަށާ އެހެންކަމުން ސަރުކާރުގެ ވެރިންގެ މާލީ ބަޔާނުގެ މައްސަލަ އޮޑިޓު އޮފީހުން ތަހުގީގުކުރަން ޖެހޭ ކަމަށެވެ.
މަލީހު މިފަދައިން ވިދާޅުވެފައިވާއިރު، ރިޔާސީ ދައުރު ދެބައިވެފައި ވަނިކޮށް ރައީސް މުހައްމަދު މުއިއްޒު އާއި ނައިބު ރައީސް ހުަސައިން މުހައްމަދު ލަތީފުގެ މާލީ ބަޔާން ވަނީ ހާމަކޮށްފައެވެ.
އާންމުކުރި މާލީ ބަޔާނުގައި ހުރީ މިދިޔަ ހަ މަސްދުވަހުގެ ތެރޭގައި ލިބިފައިވާ އާމްދަނީގެ ތަފްސީލެވެ. އޭގެ ކުރިން ލިބިފައިވާ އާމްދަނީގެ ތަފްސީލު ހިމަނާފައެއް ނުވެއެވެ.
