ޤާނޫނު އަސާސީ މިހާ ހިސާބަށް ދިޔައިރު މުހިއްމު ޤާނޫނުތަކެއް ހުރީ ނުހެދި ކަމުގައި ރައިސް އަބްދުﷲ ޔާމިން އަބްދުލް ޤައްޔޫމް ވިދާޅުވެއްޖެ އެވެ.

ޕީއެންއެފްގެ ފްރޮންޓް އޮފީސް ޖަލްސާގައި އާދިއްތަ ދުވަހުގެރޭ ވާހަކަފުޅު ދައްކަވަމުން އެމަނިކުފާނު ވިދާޅުވެފައި ވަނީ ޖުޑީޝިއަލް ސާވިސް ކޮމިޝަނުން އަމަލުކުރާނޭ އެއްވެސް ކަހަލަ ޤާނޫނެއް ޤަވާއިދެއް ނެތް ކަމަށެވެ.

ޖުޑީޝަރީގެ ފަނޑިޔާރުން ވަކި ކުރަން ޖެހޭނީ ކިހާވަރެއް ވެގެންތޯ ވެސް ޖުޑީޝަލް ސާވިސް ކޮމިޝަނުގައި ޤަވާއިދެއް އެކުލަވާލަފައި ނުވާކަން ފާހަގަކުރައްވާ ރައީސް ޔާމީން ވިދާޅުވީ ދެން އެހިސާބުން ހުރިހާ ކަމެއް މަޖިލީހަށް ހަވާލުކުރުމުން ފެނިގެން ދިޔައީ ކަންކަން ޚަރާބުގެ މަގުން ދަތުރުކުރި މަންޒަރު ކަމަށެވެ.

ފަނޑިޔާރެއްގެ އަމަލާއި ދޭތެރޭ ހިންހަމަ ނުޖެހިއްޖެ ހާލަތެއްގައި އެ ފަނޑިޔާރެއް ވަކިކުރުން އެއީ ޤާނޫނީ ގޮތުން ހަމަ އެކަނި އޮތް ހައްލަކީތޯ އެމަނިކުފާނު ވަނީ ސުވާލު އުފައްދާފައެެވެ.

މިފަދަ މައްސަލަތައް ބަލާއިރު ކިހާވަރެއްގެ ކަމެއް ފަނޑިޔާރަކަށް ކުރެވުނީމައި ތޯ މެއިޖާ އޮފެންސްއެއް ކަމުގައި ބަލަން ޖެހޭނީ ޖުޑީޝަލް ކޮމިޝަނުން ބަލަން ޖެހޭނީ ކަމުގައި އެމަނިކުފާނު ވަނީ ވިދާޅުވެފައެވެ.