Aamu Rahyyithun Ves Miadhu Mitibee Vaanuva Bandhugai: Maleeh

އާންމު ރައްޔިތުން ވެސް މިއަދު މިތިބީ ވާނުވާ ބަންދުގައި ކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލް ވިދާޅުވެއްޖެއެވެ.

ޕީއެންއެފްގެ ފްރޮންޓް އޮފީހުގައި ރޭ ބޭއްވި ޖަލްސާގައި ވާހަކަ ދައްކަވަމުން މަލީހު ވިދާޅުވީ، އެކި އެކި މައްސަލަތަކުގައި ވާނުވާގައި ތިބީ ހަމައެކަނި ޒުވާނުން އެކަނި ނޫން ކަމަށެވެ. ގިނަ ދިވެހި ރައްޔިތުންވެސް މިއަދު ތިބީ ކޯޓުތަކުން ނިންމަންޖެހޭ އެކި ކަންތައްތައް ނުނިމި ވާނުވާގައި ކަމަށެވެ.

ޒުވާނުން ނާއި އެކި އެކި ފަރާތް ތަކެން ނޫނޭ ހަޤީގަތުގަ އިންސާފު ހޯދުމަށް ޓަކައި ވަކިން ހާއްސަ ގޮތެއްގަ މިދެންނެވި ވާރުތަ މުދާ ބެހުމުގެ ކަންތަކުގަ، މިކިޔަނި ބައްޕަގެ ގޯތި ކުދިންނަށް ބެހުމުގެ ކަންކަން، ދިގުލައިގެން ދާކަށް ނުޖެހެއޭ، ތިން ހަތަރު ފަސް އަހަރު، އެގްރިމެންޓެއްގެ ތެރެއިން ލިބެންޖެހޭ ފައިސާ ހޯދުމަށް ޓަކައި، ފަސް އަހަރު ހައަހަރު ދާކަށް ނުޖެހެއެ، ބެންކުގެ އެކިއެކި މުއާމަލާތް ތަކުގެ ތެެއިން ބެންކަށް އާމްމު ރައްޔިތުން ފަރާތުން ލިބެންޖެހޭ ފައިސާތަކުގެ މައްސަލަތައް އެހެރިީ ރާއްޖެގެ ކޯޓުތަކުގައި ބޮޑު ތަޅުއަޅުވާ ވާނުވާގަ ފަނަރަ އަހަރުވަންދެން..

- މަލީހް

ރާއްޖޭގެ އެކި އެކި ކޯޓުތަކަށް ރައްޔިތުން ހުށަހަޅާ ވާރުތަ މުދާ މައްސަލަތައް ވާނުވާ ވެފައި އޮންނަން ޖެހޭ ސަބަބާއި މެދު ސުވާލު އުފެދޭ ކަމުގައި ވެސް މަލީހުވަނީ ވިދާޅުވެފައެވެ.

އެކިއެކި މައްސަލަ ތަކުގައި ވާނުވާ ބަންދުގައި ތިބި ފަރާތްތަކަށް އެމައްސަލާގައި ލިބޭ ހުކުމަށް ވުރެ ދިގު މުއްދަތަކަށް ވާނުވާ ބަންދެއްގައި ހުރުން އެއީ ބޭއިންސާފީ އަމަލެއް ކަމަށާއި، އަދި މިކަންތަކަކީ ކަންބޮޑުވާން ޖެހޭ ކަމެއްގެ ގޮތުގައި މަލީހު ސިފަކުރައްވާފައިވެސް ވެއެވެ.