ރައްޔިތުން ޅޮސް އުނދޯންޏަކަށް ނާރުވާ ގައުމުގެ ހާލަތު ހާމަކޮށް ރައްޔިތުންނަށް ހަގީގަތް ހާމަކުރެއްވުމަށް ރައީސް އަބްދުﷲ ޔާމީންގެ ޕާޓީ އުފެއްދެވުމުގެ އިސްކޮށް ހަރަކާތްތެރިވެވަޑައިގެން ފާރޫޤު މުހައްމަދު ސަރުކާރަށް ގޮވާލައްވައިފިއެވެ.

ފާރޫގު މިފަދައިން ގޮވާލެއްވީ ޗެނަލް13އިން ގެނެސްދޭ ޕީއެންއެފް އަދާހަމަ ޕްރޮގްރާމުގައި ވާހަކަ ދައްކަވަމުންނެވެ.

ފާޜޫގު ވިދާޅުވީ، ދިވެހިރާއްޖޭގެ ބަޖެޓު މިއަހަރަށް ހުށަހެޅި އިރުވެސް އޮތީ ޑެފިސިޓު ބަޖެޓެއްގެ ގޮތުގައި ކަމަށެވެ. އެގޮތުން މިއަހަރަށް ފާސްކުރި ބަޖެޓަކީ 49.8 ބިލިއަން ރުފިޔާއަށްވާއިރު ދައުލަތަށް ލިބޭނެ އާމްދަނީގެ ގޮތުގައި ލަފާކޮށްފައިވަނީ 33 ބިލިއަން ރުފިޔާކަމަށެވެ. އެހެންކަމުން ބަޖެޓު ހުށަހެޅުމުގައިވެސް 16 ބިލިއަން ރުފިޔާގެ ޑެފިސިޓެއް އެބަ އޮތް ކަމަށް ވެސް ފާރޫގު ވިދާޅުވިއެވެ. މީގެ އިތުރުން އެހެނިހެން ޚަރަދުތަކަށް ލަފާކޮށްފައިވަނީ 34 ބިލއަން ރުިފޔާކަމަށެވެ. އެހެންކަމުން އެ ޚަރަދު ފޫބެއްދޭ ވަރުވެސް ރާއްޖޭގައި ނެތްކަން ހާމަވާ ކަމަށެވެ. ވެރިންނަސް ތިބި ބަޔަކު މަތ އޮމާން ކުރަން ކިތަންމެ ރީތި ވާހަކަ އެއްދެއެްކި ނަމަވެސް ގައުމު ދަނީ ހަލާކުގެ ތެރެއަށް ވެއްޓެމުން ކަމަށް ފާރޫގު ވިދާޅުވިއެވެ.

ފާރޫގު ވަނީ ރައީސް ޑރ. މުހައްމަދު މުއިއްޒަށް ގޮތް ދޫކޮށްލައްވާ އިގްތިސޯދު ހަމަ މަގަށް އަޅުވަން ރައީސް އަބްދުﷲ ޔާމީންގެ ލަފާފުޅާ އިރުޝާދު ހޯދުމަށް ގޮވާލައްވާފައެވެ.