ހޯރަފުށީގައި ކުރިއަށް ދާ ބޮޓްލިންގ ޕްލާންޓްގެ މަސައްކަތް ހުއްޓާލުމަށް ނިންމައި، އެތަނުގައި ދާއިމީ ވަޒީފާ ތަކުގައި ތިބި މުވައްޒަފުންތައް ވަކިކުރަން ސަރުކާރުން ނިންމައިފި އެވެ.

މިކަމުގެ ކަންބޮޑުވުން ފާޅުކޮށް އެރަށު ކައުންސިލްގެ ނައިބު ވިދާޅުވީ ސިޔާސީ ބޭނުމުގައި ހޯރަފުށީ ބޮޑްލިންގް ޕްލާންޓްގައި ތިބި މުވައްޒަފުން ވަޒީފާއިން ވަކިކުރާތީ އެކަން އެންމެ ހަރުކަށި އިބާރާތުން ކުށްވެރިކުރާ ކަމަށާއި މަކަރާތް ހީލަތުގެ ތެރެއިން ވެރިކަމަށް އައިސް ރައްޔިތުންނަށް އަނިޔާވެރިވުން ނޫން ކަމެއް މުއިއްޒު ސަރުކާރުން ނުކުރާ ކަމަށެވެ.

ހޯރަފުށީ ހޯރަފުށީ ބޮޓްލިންގ ޕްލާންޓުގެ މަސައްކަތް ހުއްޓާލައި އެތަނުގައި ތިބި މުވައްޒަފުން ވަޒީފާއިން ވަކިކުރާތީވެ އެކަމުގެ ކަންބޮޑުވުން އެރަށު ކައުންސިލުން ވެސް ވަނީ ފާޅުކޮށްފަ އެވެ.

ހޯރަފުށީ ކައުންސިލުގެ 40 އިން ސައްތަ ހިއްސާ އޮންނަ ގޮތައް ފެށި ބޮޓްލިންގ ޕްލާންޓްގެ މަސައްކަތް ހުއްޓާލާ މުވައްޒަފުން ވަޒީފާއިން ވަކިކުރަން މުއިއްޒު ސަރުކާރުން ނިންމިއިރު އެ ރަށުގެ ކައުންސިލަށް ވެސް އެކަން އަންގާފައެއް ނުވެ އެވެ.

ހޯރަފުށީގެ ރައްޔިތުންގެ މެޗޯރިޓީން މުއިއްޒުއަށް މިހާރު ތާއީދު ނުކުރާތީ ސަރުކާރު މުވައްޒަފުންނަށް "ބިރުދެއްކުން" ވަނީ ވަރަށް ބޮޑަށް އިތުރު ވެފައި އެވެ.