ސަރުކާރުން ދައްކާ ވާހަކަތައް ވާންވާނީ ރައްޔިތުންނަށް ފޯރުކޮށްދެވޭ ވާހަކަތަކަކަށް ކަމަށް ރައީސް އަބްދުﷲ ޔާމީން އަބްދުލް ގައްޔޫމް ވިދާޅުވެއްޖެއެވެ.
ރައީސް ޔާމީން މިފަދައިން ވިދާޅުވީ ރައީސް ޔާމީންގެ ތާއީދާއެކު ރައްޔިތުން މަޖިލިސް އިންތިހާބަށް ވާދަކުރައްވާ ކެނޑިޑޭޓުން ތައާރަފް ކުރުމަށް ބާއްވަމުން އަންނަ ސިލްސިލާ ޖަލްސާތަކުގެ ތެރެއިން ބުރާސްފަތި ދުވަހު ބޭއްވި ޖަލްސާގައި ވާހަކަދައްކަވަމުންނެވެ.
ރައީސް ޔާމީން ވިދާޅުވީ ސަރުކާރުން ދައްކާވާހަކަތަކާ ރައްޔިތުންނަށް ފޯރުކޮށްދޭ މުހިންމު މެސެޖުތައް ރައްޔިތުންނާ ހަމައަށް ފޯރުކޮށްދޭން ވާނެ ކަމަށާއި ދައްކަން ވާނީ ރައްޔިތުންނާ ހަމައަށް ފޯރުކޮށްދެވޭ ވަރުގެ ވާހަކަތައް ކަމަށެވެ.
ކޮންމެ ސަރުކާރެއް އޮތަސް ސަރުކާރުން ދައްކާ ވާހަކަތަކާ ރައްޔިތުންނަށް ދޭ ވަރުގަދަ މެސެޖުތައް ރައްޔިތުންނަށް ޑެލިވާ ކުރަންވާނެ. ޑެލިވަރަބަލް ވާހަތަކެއް ދައްކަން ވާނީ.
ރައީސް ޔާމީން
މީގެ އިތުރުން ރައީސް ޔާމީން ވިދާޅުވީ އެމަނިކުފާނުގެ އަމާޒަކީ އެއްވެސް ހާލަތެއްގައި ސަރުކާރަށް ފާޑުކިޔުން ނޫން ކަމަށާއި މިފަދަ ޖަލްސާތަކުގައި ދައްކާ ވާހަކަތަކަކީ ސަރުކާރު ޖަވާބުދާރީ ކޮށް ހަމަ މަގަށް އެޅުވުމަށް ދައްކާ ވާހަކަތައް ކަމަށެެވެ.
