ރައީސް ޑރ. މުހައްމަދު މުއިއްޒު އިއްޔެ ދެއްކެވި ވާހަކަފުޅުތަކާއި މިއަދު ދައްކަވާ ވާހަކަފުޅުތައް ދިމައިނުވާ ކަމަށް ވިދާޅުވެ ރައީސް އަބްދުﷲ ޔާމީން އަބްދުލްގައްޔޫމްގެ އިސްގާނޫނީ ވަކީލް އަދި ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު މި ސަރުކާރަށް ފާޑުވިދާޅުވެއްޖެއެވެ.

އެ މަނިކުފާނު އެފަދައިން ވިދާޅުވީ ރައީސް މުއިއްޒު ގދ. ތިނަދޫގައި އިންޓަނޭޝަނަލް އެއާޕޯޓެއް ތަރައްގީ ކުރުމުގެ މަޝްރޫއު އިއުލާނުކުރެއްވުމާ ގުޅިގެން އެކްސްގައި ކުރެއްވި ޕޯސްޓެއްގައެވެ.

އެގޮތުން ޑރ.ޖަމީލް ވިދާޅުވީ ރައީސް މުއިއްޒު ވަނީ "ދޮގު ހެދުން" އާންމުކަމަކަށް ހަދާފައިވާކަމަށެވެ.

އިއްޔެ ކާޑެއްދޫއާ ގުޅައިލާ ވާހަކަ ދެއްކީ. މިއަދު މުޅިން އާ ވާހަކައެއް ކަމަށް ޑރ.ޖަމީލްގެ ޕޯސްޓްގައިވެއެވެ.

އިތުރަށް ޑރ.ޖަމީލް ވަނީ ރައީސް މުއިއްޒު "މޭޒު ދޮށުގައި" އިންނަވާ ވަގުތުތައް ހޭދަކުރައްވަނީ "ކަޓު ނެގޭނެ ޕްރޮޖެކްޓެއް ހެދޭތޯ" ތޯ ސުވާލު އުފައްދަވައިފައެވެ.

އެ މަނިކުފާނު ވަނީ މަސްވެރިންނަށް ފައިސާ ނުދެވުމާއި ތަކެތީގެ އަގު ބޮޑުވުމަކީ މައްސަލައެއް ނޫންތޯ ވިދާޅުވެ ސުވާލު އުފައްދަވައިފައެވެ