އިރާނަށް ހަމަލާ ދިނުމަށް ސަހްޔޫނީންއިން ބޭނުންކޮށްފައިވާ ދެ ނިޒާމެއްގެ ސިއްރުތަކެއް ހާމަވެއްޖެއެވެ.
ސަހްޔޫނީންގެ އަސްކަރީ ކުންފުންޏެއް ކަމަށްވާ ސީއާރު ކާސްޓިންގ އެގްޒެކްޓް އަށް ދިން ސައިބަރ ހަމަލާއެއްގައި ސަހްޔޫނީންއިން ހަނގުރާމައިގައި ބޭނުންކުރާ މުހިންމު ދެ އަސްކަރީ އުފެއްދުމަކާ ގުޅުންހުރި ސިއްރު ލިޔެކިޔުންތަކެއް ފަލަސްތީނުގައި ހަރަކާތްތެރިވާ ސައިބަރ ސަޕޯޓް ފްރަންޓް އަށް ފަޅާއަރައިފިއެވެ.
އޭގެ ތެރޭގައި ހިމެނެނީ ދުރު ރާސްތާއަށް ސީދާކަމާއެކު ހަމަލާދިނުމަށް ބޭނުންކުރާ ޓާގެޓް ދެނެގަތުމުގެ ނިޒާމެއްކަމަށްވާ ހައްޓޮރިކްސް އަދި ފަސްވަނަ ޖީލުގެ ހަނގުރާމަތަކުގައި ބޭނުންކުރާ މިސައިލަށް ސީދާކަމާއެކު މަގުދައްކާ ނިޒާމެއްކަމަށްވާ ސްޕައިކް-އެލްއާރު2 އާ ބެހޭ މައުލޫމާތެވެ.
މި ދެ ނިޒާމުވެސް ވަނީ ޣައްޒާއަށާއި، ލުބްނާނަށާއި، އީރާނުގެ ސަރަހައްދަށް މިފަހުން ޔަހޫދީން ދިން ހަމަލާތަކުގައި ބޭނުންކޮށްފައި ކަމުގައި އަސްކަރީ-ސަލާމަތީ ތަޖުރިބާކާރުން ވިދާޅުވެފައި ވެއެވެ.
މި ލިޔެކިޔުންތައް ސައިބަރ ސަޕޯޓް ފްރަންޓް އިން ހޯދާފައިވަނީ ސީއާރު ކާސްޓިންގ އެގްޒެކްޓްގެ މުޅި ޑޭޓާ ތެރެއަށް ވަދެގަނެގެންނެވެ. މި ސައިބަރ އޮޕަރޭޝަނަކީ ސަހްޔޫނިންގެ އަސްކަރީ ބާރު ނައްތާލުމަށް ކުރާ މަސައްކަތުގެ ތެރެއިން ބައެކެވެ.
ސައިބަރ އިސްނާދު ފްރަންޓް ކިޔާ ޖަމާއަތަކުންވަނީ މީގެ ކުރިންވެސް ވަނީ ސަހްޔޫނިންގެ އަސްކަރީ ކުންފުންޏެއްގެ ހުރިހާ އޮޕަރޭޝަނަލް ނިޒާމްތައް ހުއްޓުވައިލާފައެވެ.
