ސަރުކާރު އޮތީ ބޮޑުތަނުން ފެއިލްވެފައި ކަމަށް ރައީސް އަބްދުﷲ ޔާމީން އަބްދުލް ޤައްޔޫމް ވިދާޅުވެއްޖެއެވެ.

ޕީއެންއެފްގެ ފްރޮންޓް އޮފީހުގައި ކުރިއަށް ގެންދިޔަ ޖަލްސާގައި ވާހަކަފުޅު ދައްކަވަމުން އެމަނިކުފާނު ވިދާޅުވީ، މިސަރުކާރަށް ދެވަނަ ދައުރެއް ލިބިއްޖެނަމަ ރައީސް ޑރ މުހައްމަދު މުއިއްޒު ވެވަޑައިގެންފައިވާ ވައުދުފުޅުތައް ފުއްދޭނެ ކަމަށް ވިދާޅުވި ނަމަވެސް މިދައުރުގައި ނުވިކަމެއް ދެވަނަ ފުރުސަތެއް ގައި ވެސް ނުވާނެކަމަށެވެ.

އެމަނިކުފާނު ވިދާޅުވީ ސަރުކާރަށް މިވީ 17 މަސްދުވަހުން ވެސް ފެންނަމުން ދަނީ ސަރުކާރު ފެއިލްވެފައިވާ މިންވަރެވެ.

ރައީސް ޔާމީން ވިދާޅުވީ، ލޯކަލް ކައުންސިލް އިންތިހާބާއި ދިމާކޮށް ޕީއެންސީގެ ވަފުދުތައް ވޯޓު ހޯދުމަށް ރަށްތަކަށް ދަތުރު ކުރަމުން ދަނީ މަޖިލިސް އިންތިޚާބު ބޮޑު އަގުލަބިއްޔަތަކުން ކާމިޔާބު ކުރިގޮތަށް މިފަހަރުވެސް ކާމިޔާބު ކުރުމުގެ ނިޔަތުގައި ކަމަށެވެ.

އެހެންކަމުން ރައްޔިތުންގެ މަޖިލީސް އިންތިހާބު ބޮޑު އަޣްލަބިއްޔަތަކުން ކާމިޔާބުވެއްޖެ ނަމަ ފުއްދަން ވައުދުވެލެއްވި އެއްވެސް ވައުދެއް ނުފުއްދޭ ކަަމުގައިވެސް އެމަނިކުފާނު ވިދާޅުވިއެވެ.

ރައީސް ޔާމީން ވިދާޅުވީ ރައީސް މުއިއްޒުގެ މި ވާހަކަތަކުންވެސް ހާމަވެގެން ދަނީ ރައްޔިތުން އެމަނިކުފާނަށް އިތުބާރު ނުކުރައްވާކަމެވެ. ރައްޔިތުންގެ އިތުބާރު ނެތުމުން އިތުރު ފުރުސަތެއް ލިބިގެން ނޫނީ މިހާރުގެ މަންޒަރު ބަދަލުނުވާނެ ކަމަށް ހުދު ރައީސް މުއިއްޒުވެސް ގަބޫލުފުޅު ކުރައްވާ ކަމަށެވެ.

އެމަނިކުފާނު ވިދާޅުވީ ރައީސް މުއިއްޒު ވެރިކަމާއި ހަވާލުވެ ރައްޔިތުންނަށް ކޮށްދޭން ބުނި އެތައްކަމެއް ހުރި ކަމަށާއި އޭގެތެރޭގައި ދަރަނި ފިލުވުމާއި ބޭރުފައިށާ ހޯދުމުގެ އިތުރުން ޑޮލަރުގެ އަގު ތިރިކުރުމާއި މިކަހަަލަ އެތައް ވާހަކައެއް ދައްކާފައިވާއިރު މިވީ 17 މަސްދުވަހުގައި ފެށުނު އެއްކަމެއްވެސް ނެއްކަމަށެވެ. އެހެން ކަމުން މިވަރުން ވެސް ސަރުކާރު ފެއިލް ވެފައިވާ މިންވަރު ހާމަވެގެން ދާކަމަށް އެމަނިކުފާނު ވިދާޅުވިއެވެ.