އާސަންދައިން ބޭސްފިހާރަތަކަށް ދައްކަންޖެހޭ ފައިސާ ނުދީ ފަސް ހަމަސް ފާއިދުވެފައިވާއިރު އެތައް ފިހާރައެއް ބަގުރޫޓުވެއްޖެއެވެ.

މިކަން ހާމަކޮށް އުންގޫފާރު ދާއިރާގެ މެންބަރު މުހައްމަދު ވަހީދު (ވައްޑެ) އަންގާރަ ދުވަހު އެކްސްގައި ކުރެއްވި ޕޯސްޓެއްގައި ވިދާޅުވީ ސާކިއުލާތައް ނެރެގެން އިތުރަށް އިސްލާހު ކުރަންޖެހޭ ކަންކަމުގެ ލިސްޓު ދޭއިރު ބޭސްފިހާރަތަކަށް ދޭންޖެހޭ ރުފިޔާ ހަމައަށް ލިބޭތޯ ބެލުން މުހިންމު ކަމަށެވެ.

މީގެ އިތުރުން އޭނާ ވިދާޅުވީ އާސަންދައިން ބޭސްފިހާރަތަކަށް ދަށްކަން ޖެހޭ ފައިސާ ނުދައްކާތާ 6 މަސް ފާއިތުވެފައިވާ ކަމަށެވެ.

އަދި މިކަމުގެ ސަބަބުން އެތައް ބޭސްފިހާރައެއް ބަގުރޫޓުވާ ހިސާބުގައިވާ ކަމަށް ވައްޑެ ވަނީ ވިދާޅުވެފައެވެ. އަދި މިކަންކަން ރަގަނޅު ކުރުމަށް ބާރު އެޅުމަށް އޭނާ ވަނީ ގޮވާލާފައެވެ.

މޯލްޑިވްސް ފުޑް އެންޑު ޑުރަގު އޮތޯރިޓީ އިން ސާކިއުލާ އެންމެ ފަހުން ނެރެފައިވަނީ 26 ޑިސެންބަރު 2023 ގައި ކަންވެސް ފާހަގަކޮށްލެވެއެވެ.

މި ސާކިއުލާގައި ބޭސްފިހާރަތަކުގައި ހުންނަން ޖެހޭ ބޭހުގެ މިންވަރު ހާމަކޮށްފައިވެއެވެ. އަދި އެއާ ހިލާފަށް އަމަލު ކުރާ ފަރާތްތަކަށް ފިޔަވަޅު އަޅާނެ ކަމަށްވެސް ވިދާޅުވެފައިވެއެވެ.

މިފަދަ ކަންކަމަށް ހިޔާނާތްތެރި ވުމަކީ ސަރުކާރު ފެއިލްވަމުން އަންނަ ކަމުގެ ނިޝާނެއްކަން ގިނަ ބަޔަކު ދަނީ ފާހަގަ ކުރަމުންނެވެ.