ރާއްޖޭގެ އެކި ހިސާބުތަކަށް މިހާރު ކުރަމުންދާ ވިއްސާރައާއި ގުޅިގެން ވައިގަދަވެ އެކި ހާދިސާތަށް ކުރިމަތިވަމުންދާތީ މޫސުމަށް ސަމާލުވުމަށް ފުލުހުން އިލްތިމާސްވެއްޖެއެވެ.

ވިއްސާރައިގެ ސަބަބުން ވައިގަދަވެ މާލޭގެ ބައެއް ސަރަހައްދުތަކުގައި ގަސް ވެއްޓުމާއި، ފުރާޅު އެއްލާލުން ފަދަ ހާދިސާތައް ހިނގާފައިވާތީ ފުލުހުން އަންނަނީ އެ ސަރަހައްދުތަކުގައި ހަރަކާތްތެރިވަމުންނެވެ.

މީގެ އިތުރުން، މޫސުން ގޯސްވެ، ވައިގަދަވާ ވަގުތުތަކުގައި ބޭރުގައި ނޫޅުމަށާއި އަދި އުޅުއްވާނަމަ ޚާއްސަ ސަމަލުކަމެއް ދެއްވުމަށް ފުލުހުން ވަނީ އެދިފައެވެ.

ކަނޑުދަތުރު ކުރައްވާ ބޭފުޅުންވެސް މޫސުމާއި ބެހޭ ފަހުގެ މައުލޫމަތު ހޯދުމާއި މޫސުމީ ސަމާލުތަކާ އެއްގޮތަށް އަމަލުކުރުމަށް ފުލުހުން ވަނީ ބުނެފައެވެ.

މޫސުމަށް ނުބަލާ ދަތުރުކުރުމުގެ ސަބަބުން މީގެ ކުރިންވެސް ވަނީ ހިތާމަވެރި ހާދިސާތަކާއި ކުރިމަތިލާން ޖެހިފައެވެ.