ރާއްޖޭގެ ހުރިހާ ހިސާބުތަކަށް އުދަ އަރާނެ ކަމަށް ލަފާކޮށް މެޓް އޮފީހުން މިއަދު ނެރުނު ހުދު ސަމާލު ދަންމައިފިއެވެ.
ކުރިން ނެރެފައިވާ ސަމާލުގައި މެޓުން ހާމަކޮށްފައިވާ ގޮތުގައި ބޯކޮށް ވާރޭވެހުމާއެކު ގުގުރުން އަދި ގަޑިއަކު 19 މޭލާއި 24 މޭލާ ދެމެދުގެ ބާރު މިނުގައި ވައިޖެހޭނެ ކަމަށް ލަފާ ކުރެވޭ ކަމަށެވެ. އަދި ވިލާގަނޑުގައި ގަޑިއަކު 45 މޭލަށް ވައި ގަދަވާނެ ކަމަށް ވެސް ލަފާކޮށްފައިވެއެވެ.
އޭގެ ފަހުން މެޓް އޮފީހުން ނެރުނު ބަޔާނުގައި ކަނޑުގަދަވެ އުދަ އަރާނެ ކަމަށް ލަފާކޮށްފައިވެއެވެ. ހުދު ސަމާލު ނެރެފައިވަނީ މިއަދު ހަވީރު 15:30 އިން ފެށިގެން ރޭގަނޑު 19:30 އަށެވެ.
މެޓް އޮފީހުން އިތުރަށް ބުނެފައިވާ ގޮތުގައި މެދުރާއްޖެތެރެއާއި އުތުރުގެ އަތޮޅުތަކަށް ރާޅުގެ އުސްމިނުގައި ފަސް ފޫޓާއި ހަތް ފޫޓުގެ ދެމެދުގައި ހުންނާނެ ކަމަށާއި، ދެކުނުގެ އަތޮޅުތަކުގައި ރާޅުގެ އުސްމިނުގައި ތިން ފޫޓާއި ހަ ފޫޓު ހުރުން އެކަށީގެން ވާކަމަށްވެސް ބުނެފައިވެއެވެ.
މޫސުމަށް ރައްކާތެރިވެ، ސަމާލުވެ ތިބުމަށް ކަމާއި ބެހޭ އިދާރާތަކުން އަންނަނީ އިލްތިމާސްކ ކުރަމުންނެވެ.
