އިގިރޭސި ވިލާތުގައި ބޭއްވި ރޯޔަލް އިންޓަނޭޝަނަލް އެއާ ޓެޓޫ (އާރުއައިއޭޓީ) 2025 ގައި ޕާކިސްތާން އެއާފޯސް (ޕީއޭއެފް) ގެ ފަޔަރ ޖެޓްތަކުން ދެ ކެޓަގަރީއަކުން އެންމެ މަތީ އެވޯޑް ހޯދާފައިވާ ކަމަށް ދައުލަތުގެ ޕީޓީވީން ބުނެފި އެވެ.

ޖުލައި 18 އިން 20 އަށް ކުރިއަށްދާ ރިއަޓް އަކީ ދުނިޔޭގެ އެންމެ ބޮޑު އެއް އަސްކަރީ އެއާޝޯ އެވެ.

މިޝޯ އަކީ ވޭތުވެދިޔަ 50  އަހަރަށް ވުރެ ގިނަ ދުވަހު ހިންގަމުން ގެންދާ ޝޯއެއް ކަމަށް ބެލެވެއެވެ.

އިންޓަ ސާވިސަސް ޕަބްލިކް ރިލޭޝަންސް (އައިއެސްޕީއާރު) އިން ނެރުނު ބަޔާނެއްގައި ބުނެފައި ވަނީ "އެންމެ ޒަމާނީ ޖޭއެފް-17 ތަންޑަރ ބްލޮކް-III ފަޔަރ އެއާކްރާފްޓާއި ސީ-130 ހަރކިއުލަސް ޓްރާންސްޕޯޓް މަތިންދާބޯޓު ހިމެނޭ ޕީއޭއެފް ކޮންޓިންޖެންޓެއް އިނގިރޭސިވިލާތުގެ ރޯޔަލް އެއާފޯސް ބޭސް ފެއާފޯޑަށް ޖައްސާފައިވާ ކަމަށެވެ.

ޕާކިސްތާނުގެ މި ކާމިޔާބީގެ ސަބަބުން ބައިނަލްއަޤްވާމީ ފެންވަރުގައި ޕާކިސްތާނުގެ އޭވިއޭޝަން ދާއިރާއަށް ވަނީ ޝަރަފުވެރިކަން ލިބިފައެވެ.

ޕީޓީވީން ބުނީ ރިއާޓްގައި ލިބުނު ކާމިޔާބީއަކީ ޕާކިސްތާނުގެ ވައިގެ ސިފައިންގެ ގާބިލްކަން ދެނެގަނެވޭނެ ވަރުގެ ހެއްކެއް ކަމުގައެވެ.

މިހާރު  ކުރިއަށް ދާ މި އިވެންޓަކީ ބައި ގަރުނަށް ވުރެ ގިނަ ދުވަސް ފަހުން ދެކުނު އޭޝިއާގައި ބާއްވާ އެންމެ ބޮޑު އެއާ ޓު އެއާ އެންގޭޖްމަންޓްތަކުގެ ތެރޭގައި ހިމެނޭ އިވެންޓެކެވެ.