ފަލަސްތީނުގެ ޣައްޒާގައި މީހުން ދިރިއުޅުމުންދާ ގެތައް ރޯކޮށް އަންދާލާ އަންދާލުމަކީ ބާބަކިއު ހެދުމުގެ ގޮތުގެ ހައްދު ފަހަނަ އެޅި އިޒްރާއީލުން ސިފަކޮށްފިއެވެ.

އެގޮތުން ފަލަސްތީނުގެ ޒައިރޫން އަވަށުގައި ހުރި ގެދޮރުގައި ހުޅުޖަހާ ރޯކުރުމުމަށް ފަހު ސެލްފީ ނަގަމުން އިޒްރާއިލުގެ ސިފައިންގެ މީހަކު ބުނެފައިވަނީ އެއީ ބާބަކިއު ހަދަނީ ކަމަށެވެ.

ޓިކްޓޮކުގައި އެ ސިފައިންގެ މީހާ އާންމުކުރި ވީޑިއޯގައި ފެނިގެން ދަނީ ހެމުން އެއީ ދެން އިޒްރާއީލުން އާބާދުވާނެ ތަނުގެ ގޮތުގައިވެސް ސިފަ ކޮށްފައެވެ.

އިޒާޑޯ އެލްގަބްރީ ނަމަކަށް ކިޔާ އެ ސިފައިންގެ މީހާ އެ ވީޑިއޯގައި ބުނާ ގޮތުގައި "ސެވޯނީ ސެޓްލްމަންޓް" ކަމަށާއި އެކަމަށް ދެން މާ ގިނަ ދުވަހެއް ނެތް ކަމަށެވެ.

ޔަހޫދީން ފަލަސްތީނުގެ ބިންތައް ހިފަމުން އާބާދު ކުރަމުން ގެންދާ އިރު, އިޒްރޭލުގެ އާ ޕްލޭނަކީ ހުޅަނގު އައްސޭރީގައި 3,300 ގެދޮރު އިމާރާތް ކޮށް ބޮޑު އަވަށެއް ހެދުމެވެ. އެކަން ކުރާނެކަމަށް އިޒްރޭލުގެ މިނިސްޓަރު ބެޒާލެލް ސްމޯރިޒް އިއުލާން ކޮށްފައި ވާ އިރު, އެމެރިކާ އާއި އީޔޫއިން ވަނީ އެއީ ކަންބޮޑުވާ އިއުލާނެއް ކަމަށް ބުނެފައެވެ.