4 ރަށެއްގެ ބައި-އިލެކްޝަން ބޭއްވުމަށް ހަމަޖެހިފައިވާ ކަމަށް އިލެކްޝަންސް ކޮމިޝަން (އީސީ) އިން ހާމަކޮށްފިއެވެ.
އީސިއިން ހާމަކޮށްފައިވަ ގޮތުގައި އަންނަ މަހުގެ ބޭއްވުމަށް ހަމަޖެހިފައިވާ ބައި-އިލެކްޝަންތަކަކީ ހއ. ތަކަންދޫ ކައުންސިލްގެ އަންހެނުންގެ ހާއްސަ ގޮނޑިއަށް ކައުންސިލަރު ހޮވުމާއި ނ. ވެލިދޫ ކައުންސިލަށް ކައުންސިލަރަކު ހޮވުމާއި ނ. މާފަރު ކައުންސިލްގެ އަންހެނުންގެ ހާއްސަ ގޮނޑިއަށް ކައުންސިލަރަކު ހޮވުމާއި މ. މަޑުއްވަރީ ކައުންސިލްގެ ރައީސް އިންތިހާބު ކުރުމެވެ.
މި ބައި އިލެކްޝަންގެ ތެރެއިން ތަކަންދޫ އާއި ވެލިދޫ ކައުންސިލްގެ ބައި އިލެކްޝަން އޮންނާނީ އަންނަ މަހުގެ 17 ގައެވެ.
އަދި މާފަރު ކައުންސިލާއި މަޑުއްވަރީ ކައުންސިލްގެ ބައި އިލެކްޝަން އޮންނާނީ އަންނަ މަހުގެ 30 ގައެވެ.
މި ބައި-އިލެކްޝަންތަކުގައި ވޯޓުލުމުގެ ހައްގު ޖުމްލަ 4،080 މީހަކަށް ލިބިގެންވެއެވެ.
