ރައީސުލްޖުމްހޫރިއްޔާގެ އަތް މައްޗަށް ގައުމުގެ ހުރިހާ ބާރެއް ގެންދެވިގެން ނުވާނެ ކަމަށް ރައްޔިތުންގެ މަޖިލީހުގެ ނ.ވެލިދޫ ދާއިރާގެ މެންބަރު މުހައްމަދު އައްބާސް ވިދާޅުވެއްޖެއެވެ.

ރައްޔިތންގެ މަޖިލީހުގެ މިއަދުގެ ޖަލްސާގައި ވާހަކަދައްކަވަމުނ އައްބާސް ވިދާޅުވީ ރައީސް މުއިއްޒުއަކީ މިހާ ނާގާބިލު މީހެއް ކަމަށް ހީފުޅުވެސް ނުކުރައްވާ ކަމަށެވެ.

މީގެ އިތުރުން، ކުރިއަށް އޮތް ލޯކަލް ކައުންސިލް އިންތިޚާބުގައި ޕީއެންސީ ކެންޑިޑޭޓުންނަށް ދިވެހިން ވޯޓު ދީފިނަމަ އެއީ ދިވެހިން އަމިއްލައަށް ދިވެހިންގެ "ސަންދޯކު" ޖެހީ ކަމުގައި އައްބާސް ފާހަގަކުރެއްވިއެވެ.

ގައުމުގެ ހުރިހާ ބާރެއް ރައީސުލްޖުމްހޫރިއްޔާގެ އަތް މައްޗަކަށް ނުގެންދެވޭނެ ކަމަށާއި އެއީ އެކަން އޮންނަން ވާނެ ގޮތް ނޫން ކަމަށް އައްބާސް ވިދާޅުވިއެވެ.

ޕީއެންސީގެ ސުޕަ މެޖޯރިޓީ މަޖިލީހުގައި އޮތަސް ރައީސް ބޭނުންވާ ހުރިހާ ބިލެއް މަޖިލީހުން ފާސްކޮށްދެއްވައިގެންވެސް ނުވާނެ ކަމަށް އައްބާސް ފާހަގަކުރެއްވިއެވެ.

މިއީ ގައުމަށް ވެވޭ ބޮޑު ޚިޔާނާތެއް ކަމަށާއި ދައުލަތަށް ވެވޭ ބޭއިންސާފެއް ކަމަށް އައްބާސް ފާހަގަކުރައްވާފައިވެއެވެ.

އައްބާސް އަންނަނީ މުއިއްޒުއަށާއި ޕީއެންސީ މެންބަރުންނަށް ބޮޑެތި ފާޑުކިޔުންތައް އަމާޒުކުރައްވަމުންނެވެ.