ކުވައިތު ފަންޑުން ރާއްޖެއަށް ދޫކުރި ހިލޭ އެހީ އެ ފަންޑުން އަބުރާ ގެންގޮސްފިއެވެ.

މައުލޫމާތު ލިބިފައިވާ ގޮތުގައި އެ އެހީ އަނބުރާ ގެންގޮސްފައިވަނީ ރާއްޖޭގެ މާލީ ހާލަތު ދަށްވެ، ސަރުކާރު ބަނގުރޫޓުވެ، ރާއްޖެއިން ނަގާފައިވާ ބޭރުގެ ލޯނުތައް ޑީފޯލްވުމުގެ ބިރު ހީވުމާއި ގުޅިގެންނެވެ.

ފިނޭންސް މިނިސްޓްރީގެ އިސް އޮފިޝަލަކާ ހަވާލާދީ ދިޔަވަރު އޮންލައިންގައި ރިޕޯޓުކޮށްފައިވާ ގޮތުގައި ކުވައިތު ފަންޑުން ދީފައިވާ ހިލޭ އެހީ އަނބުރާ ގެންދިއުމަށް އެ ފަންޑުން އަންގާފައިވަނީ ފާއިތުވި ހަފްތާގައެވެ. އަދި އެކަން މިހާރު ރަސްމީކޮށް އަންގާފައިވާއިރު, އެ އެހީ އަނބުރާ ގެންދިޔަ ސަބަބެއްގެ ގޮތުގައި އަންގާފައިވަނީ ރާއްޖޭގެ މާލީ ހާލަތު އެކަށީގެންވާ ގޮތުގައި މެނޭޖް ނުކުރެވުމާއި އަދި އިގްތިސާދުގެ މިސްރާބު ހުރިގޮތުން ބޭރުގެ ދަރަނި މެނޭޖް ނުކުރެވިދާނެކަމުގެ ބިރު ހީވެފައި އޮތުންކަމަށްވެސް އޮފިޝަލްއާ ހަވާލާދީ ރިޕޯޓުކޮށްފައިވެއެވެ.

އޮފިޝަލް އިތުރަށް ވިދާޅުވެފައިވާ ގޮތުގައި ރާއްޖޭގެ އިގްތިސާދު ހީނަރުވެ ޕްރޮޖެކްޓްތައް ވަނީ ހުއްޓުމަކަށް އައިސްފައެވެ. އަދި ދަރަނި އިންތިހާއަށް އުފުލި، ބޭރުގެ ދަރަނިތައް ޑީފޯލްޓު ވެދާނެކަމުގެ ކަންބޮޑުންވުން އޮތީމުން ބޭރުގެ ހިލޭ އެހީތަކަށް އަސަރު ކުރަނީއެވެ އެގޮތުން ހިލޭ އެހީނަމަވެސް، އެ އެހީއެއް ދޫކުރަނީ އެފިޝަންސީއަށް ބަލާފައި ކަމަށްވުމުން ރަގަޅު އިގްތިސާދެއް އޮވެގެންނޫނީ އެހީ ނުލިބޭނެކަމަށް ވެސް ވަނީ ހާމަކުރައްވާފައެވެ.

ކުވެއިތު ފަންޑުގެ ހިލޭ އެހީ އަނބުރާ ގެންގޮސްފައިވާއިރު އެ އެހީ ގެންގޮސްފައިވަނީ މަޝްރޫއުތައް ނުހިންގާ ކުރީ ސަރުކާރުން ފަރުވާ ކުޑަކުރުމުން ކަމަށް ރައީސް މުއިއްޒު ވަނީ ވިދާޅުވިދާޅުވެފައެވެ.