ވަގުތީ ގޮތުން ބަންދުކުރި ފުވައްމުލައް އެއާޕޯޓު 48 ގަޑިއިރަށްފަހު މިއަދު ހުޅުވައިފި އެވެ.
ފުވައްމުލައް އެއާޕޯޓު އަލުން ހުޅުވާފައި ވަނީ އެ އެއާޕޯޓުގެ އަލިފާން ނިއްވާ އުޅަނދަށް ދިމާވި މައްސަލަ ހައްލު ކުރުމަށްފަހު އެވެ. ފަޔާ ޓްރަކެއް ނެތި އެއާޕޯޓު ހިންގުމަކީ މަނާކަމެކެވެ.
ފުވައްމުލަކުގެ އެއާޕޯޓުގެ އޮޕަރޭޝަންސް ސެޕްޓެމްބަރު 1، އިން ފެށިގެން ހުއްޓުމުން އެތައް ބަޔަކަށް އޭގެ ސަބަބުން އުނދަގޫތަކަކާ ކުރިމަތިލާންޖެހިފައިވެއެވެ.
އެގޮތުން ފަތުރުވެރިންނާއި ގިނަ އަދަދެއްގެ ދިވެހިންނަށް މާލެ ނާދެވި ފުވައްމުލަކުގައި ތާށިވި އެވެ. ބައެއް މީހުން ރާއްޖެއިން ބޭރަށް ދާން ވެގެން އޮތް ފްލައިޓް ވެސް އޭގެ ސަބަަބުން ވަނީ ކަޓާފައެވެ.
ފުވައްމުލަކު މޭޔަރު ނޫހަކަށް ދިން އިންޓަވިޔުއެއްގައި ވިދާޅުވީ ފުވައްމުލަކު މޭޔަރު ރަފީގު އަދަދު އާ ވާހަކަ ދައްކަވަމުން ވިދާޅުވީ، ބަލަންޖެހޭ މިންވަރަށް ބަލާ ނަމަ ދިމާނުވާނެ ފަދަ މައްސަލައެއް ދިމާވެގެން އެއާޕޯޓު ހުއްޓުނީތީ ކަންބޮޑުވާ ކަމަށެވެ. އަދި އެފަދަ މައްސަލައެއް ދިމާނުވާނެ ގޮތަކަށް މަސައްކަތް ކުރުމަށް ސަރުކާރާއި އެއާޕޯޓު ހިންގާ އެމްއޭސީއެލްއާ ވާހަކަ ދައްކަވާފައިވާ ކަމަށް ވެސް ވިދާޅުވި އެވެ.