ރައީސް އަބްދުﷲ ޔާމީން ޕީއެންސީގެ ތެރޭގައި ފިތުނަ އުފައްދަން ވެލިދޫ ދާއިރާގެ މެމްބަރު މުހައްމަދު އައްބާސަށް ފައިސާ ދިން ކަމަށް ފަލާހު ވިދާޅުވުމާ ގުޅިގެން މަލީހު ވަނީ ފަލާހުގެ ވާހަކަތަކަށް ރައްދު ދެއްވާ އެކްސްގައި ޕޯސްޓެއް ކުރައްވާފައެވެ.
ކުރީގެ އުއްތަމަ ފަނޑިޔާރަށް އެއްފަހަރާ ބޮޑު އަދަދކުން ފައިސާދިން ޚަބަރެއް ހިއްސާކުރައްވާ މަލީހު ވަނީ އެކްސްގައި ޕޯސްޓެއް ކުރައްވާފައެވެ.
މަލީހު އެކްސްގައި ކުރެއްވި ޕޯސްޓެއްގައި ވިދާޅުވީ، ބާރުތައް ރައީސް ޑރ މުހައްމަދު މުއިއްޒު މުށުތެރެއަށް ލާ ޚުދުމުހުތާރު ވެރިކަމެއް ކުރުމަަށް މަގު ފަހިކުރުމުގެ ނިޔަތުގައި، ރައްޔިތުން އިންތިޚާބު ކުރާ ކައުންސިލަރުން މަދުކޮށް އަތޮޅު ކައުންސިލް އުވާލަން މުއިއްޒު ކުރާ މަސައްކަތް ހުއްޓާލަންޖެހޭ ކަމަށެވެ.
އެމްބަސީތަކަށް މަހަކު 32 މިލިއަން ދައުލތުން ޚަރަދުކުރާ ކަމަށް ރިޕޯޓުކޮށްފައިވާ ޚަބަރެއް ހިއްސާ ކުރައްވާ މަލީހު ވަނީ އެކްސްގައި ޕޯސްޓުކުރައްވާފައެވެ.
ރައީސް މުއިއްޒު ރަސްމީ ދަތުރުފުޅެއް ސިންގަޕޫރަށް ފުރާވަޑައިގެންނެވި ޚަބަރުގެ ސްކްރީން ޝޮޓެއް ހިއްސާ ކުރައްވާ މަލީހު އެކްސްގައި ކުރެއްވި ޕޯސްޓެއްގައި ވިދާޅުވީ، ރައްޔިތުން ނުހަނު ހާލުގައި ތިއްބާ ރައީސް މުއިއްޒުއާ އަދި މެޑަމް ސާޖިދާ ރައްޔިތުންގެ ފައިސާއިން ކޮންމެ ގޮތެއް ހަދާފައި ނަމަވެސް މަހު ދެކޮޅު ކޮންމެވެސް ގައުމަކަށް ދަތުރުކުރަން ޖެހޭ ކަމަށެވެ.
ރާނެ މަސްއްކަތެއްނެތި ޒުވާނުން ބިކަވެ މުސްތަގުބަލު ގެއްލި މަގުމަތި ވެއްޖެ ކަމަށާ ރައްޔިތުންގެ ޓެކުސް ފައިސާ ސިޔާސީ ވެރިންނަށް ބަހާލުމުން ޤައުމުގެ މިއަދުގެ ވެރިންގެ ނާޤާބިލްކަން ހާމަވާކަމަށް ބުނެ އާންމު ރައްޔިތަކު އެކްސްގައި ކުރި ޕޯސްޓެއް ހިއްސާކުރައްވާ މަލީހު ވިދާޅުވީ ދިވެހި ޒުވާނުންގެ ޝަރަފާއި އިއްޒަތް އަނބުރާ ހޯދާ ދިނުމަށް ވުރެ ބޮޑު ޒިންމާއެއް ސަރުކާރަށް ނެތް ކަމަށެވެ.
މީޑިއާ ކޮންޓްރޯލް ބިލާއި ގުޅިގެން ގިނަ އަދަދެއްގެ ނޫސްވެރިން އަންނަނީ ސަރުކާރަށް ފާޑުކިޔާ މުޒާހަރާތައް ކުރަމުންނެވެ.
ސުޕަ މެޖޯރިޓީގައި ގިނައިން ތިއްބެވީ ލިޔަން ކިޔަން ނޭގޭ ބޭފުޅުން ކަމަށް ވިދާޅުވެ މަލީހް ވަނީ ސަރުކާރަށާއި މި ބިލަށް ތާއީދު ކުރައްވާ މެންބަރުންނަށް ފާޑުވިދާޅުވެފައެވެ.
މަލީހު މިފަދައިން ވިދާޅުވީ،ރާއްޖޭގެ ފަތުރުވެރިކަމުގެ ސިނާއަތް ކުރިއަރުވައި، މާލީ އެހީތެރިކަން ފޯރުކޮށްދޭން ގާއިމްކޮށްފައިވާ ޓޫރިޒަމް ޓްރަސްޓް ފަންޑް ހިންގަން ހަތް މެންބަރުންގެ ބޯޑެއް އެކުލަވާލަން ޖެހޭ ގޮތަށް ޓްރަސްޓް ފަންޑް ހިންގުމުގެ ގަވާއިދަށް އަމަލުކުރަން ފެށުމުން އެކަމަށް އިޝާރާތްކުރައްވާ އެކްސްގައި ކުރެއްވި ޕޯސްޓެއްގައެވެ.