މެދު ރާއްޖެތެރެއަށް މޫސުން ގޯސްވެ، މޫސުމާ ބެހޭ ގައުމީ އިދާރާ (މެޓް އޮފީސް)އިން މި ސަރަހައްދަށް ޔެލޯ އެލާޓް ނެރެފިއެވެ.
މޫސުން ގޯސްވާނެ ކަމަށް ލަފާކޮށް މެޓު އޮފީހުން އެ ސަރަހައްދުތަކަށް ސަމާލު ނެރެފައިވަނީ ހެނދުނު 9:00 އިން ފެށިގެން މެދުރު ަފަހު 3:00އަށެވެ.
މެޓް އޮފީހުން މިއަދުގެ އިތުރު އޮއްސި 6:00ގެ ނިޔަލަށް މޫސުން ލަފާކުރާ ގޮތަށް ބަލާއިރު، މެދު ރާއްޖެތެރޭގެ އެކި ހިސާބަށް ވިއްސާރަކުރުމާއި އެކު ގުގުރުން އެކަށީގެންވެއެވެ.
މެޓު އޮފީހުން ނެރެފައިވާ ރީނދޫ އެލާޓުގައި ބުނެފައި ވަނީ، ިއަދު މެންދުރު 12:30 ހުން ހަވީރު 16:30 އަށް މި ސަރަހައްދުތަކަށް ބޯކޮށް ވާރޭވެހި، ގަޑިއަކު 25 މޭލާއި 30 މޭލާއި ދެމެދުގެ ބާރު މިނުގައި ވައި ޖެހޭނެކަމަށާއި، ވިލާގަނޑުގައި 50 މޭލަށް ވައިގަދަވެ ކަނޑުތައް ވަރަށް ގަދަވާނެކަމަށް ލަފާ ކުރެވޭ ކަމަށެވެ.
މިދިޔަ ހަފްތާގައި ރާއްޖޭގެ އެކި ހިސާބުތަކަށް ކުރަން ފެށި މޫސުމީ ވިއްސާރައިގެ ތެރެއިން ބައެއް ސަރަހައްދުތަަކަށް އަދިވެސް ވިއްސާރަ މުޅިން އަލި ނުވާއިރު އެކަމާ ގުޅިގެން މައުލޫމާތު ދެއްވަމުން މެޓު އޮފީހުގެ އޮފިޝަލް ވިދާޅުވެފައިވަނީ، ވައިޖެހޭނެ ކަމަށް ލަފާކުރެވެނީ ހުޅަނގާއި ހުޅަނގުއުތުރުން، ގަޑިއަކު 8 މޭލާއި 18 މޭލާ ދެމެދުގެ ބާރުމިނުގައި ކަމަށާ މޫސުން ރަނގަޅުވީ ނަމަވެސް ރާއްޖޭގެ ކަނޑުތައް އާދައިގެ ވަރަކަށް ގަދަވާނެ ކަމަށެވެ.
ދެކުނުގެ ބައެއް ރަށްތަކަށް ކެރީގެ އަސަރު ފޯރާނެ ކަަމަށާ ރާއްޖޭގެ އުތުރާއި މެދު ރާއްޖެތެރޭގެ އެކި ހިސާބަށް ވިއްސާރަ ކުރާނެ ކަމަށްވަނީ ލަފާކޮށްފައެވެ.
މިހާރު އިމާރާތުގެ މަސައްކަތް މަޑުޖެހިފައިވާ ސައިޓުތަކުގައިވާ ތަކެތި ވެސް ވަޔާ އެކު ނުދާނެ ގޮތަށް ރައްކާތެރިކޮށް ބަހައްޓަން މިނިސްޓްރީން ވަނީ އަންގައިފައެވެ.
މެޓް އޮފީހުން ބުނި ގޮތުގައި، ހުޅަނގު މޫސުމުގެ އަސަރުތައް އާންމު ގޮތެއްގައި މެއި މަހުގެ ފުރަތަމަ ނުވަތަ ދެވަނަ ހަފުތާގެ ތެރޭގައި ކުރަން ފަށާނީ ދެކުނުގެ އަތޮޅުތަކަށެވެ.