ކުރިއަށް އޮތް 24 ގަޑިއިރު އުތުރާއި މެދު ރާއްޖެތެރޭގެ ރަށްތަކަށް ވިއްސާރަކުރާނެ ކަމަށާއި ބައެއް ރަށްތަކަށް ބޯކޮށް ވާރޭވެހޭނެ ކަމަށެވެ. ދެކުނަށް ވެސް ކެރީގެ އަސަރުކުރި ނަމަވެސް ހޮނިހިރު ދުވަހުން ފެށިގެން މޫސުން ރަގަޅުވާނެ ކަމަށް މެޓުން ލަފާކޮށްފައިވެއެވެ.
މެޓް އޮފީހުން ރީނދޫ ސަމާލު ނެރެފައިވަނީ ރ އަތޮޅުން ފެށިގެން ތ އަތޮޅަށް، މިއަދުގެ 11:30 އިން ފެށިގެން 15:30 އަށެވެ.
މެޓުން ހާމަކޮށްފައިވާ ގޮތުގައި އައު އަހަރު ބަންދާ ދިމާކޮށް މުޅި ރާއްޖޭގެ މޫސުން ގޯސްވާނެ ކަމަށް ލަފާ ކުރެވޭއިރު, ކުރިއަށް އޮތް ފަސް ދުވަހު ރާއްޖޭގެ އެކި ހިސާބުތަކަށް, އުދަ އެރުމުގެ ފުރުސަތު ބޮޑުކަމަށެވެ.
މެޓުން ހާމަކޮށްފައިވާ ގޮތުގައި ކުރިއަށް އޮތް 3 ދުވަހު މެދު ރާއްޖެ ތެރެއަށާއި އުތުރުގެ އަތޮޅުތަކަށް މޫސުން ގޯސްވާނެ ކަމަށް ލަފާކުރެވޭ ކަމަށެވެ. ދެކުނުގެ އަތޮޅުތަކަށް ކެރީގެ އަސަރުކުރާނެ ކަމަށް ވެސް ލަފާކޮށްފައިވެއެވެ.
މިއަދުގެ ކުރިއަށް ހުރި ގަޑިތަކަށް މޫސުން ލަފާކޮށް މެޓްއިން ހާމަކުރި ގޮތުގައި، ރާއްޖޭގެ އެކި ހިސާބަށް ވިއްސާރަ ކުރުމާއެކު ގުގުރާނެ ކަމަށާ، މެދުރާއްޖެތެރޭގެ ބައެއް ރަށްތަކަށް ބޯކޮށް ވާރޭ ވެހުން އެކަށީގެން ވާކަމަށެވެ.
މެޓުން ހާމަކުރާ ގޮތުގައި އަންނަ އާދިއްތަ ދުވަހާ ހަމައަށް ރާއްޖޭގެ މޫސުން ގޯސްވާނެއެވެ.