ބޯކޮށް ވާރޭ ވެހުމާއެކު ގުގުރާނެކަމަށް ލަފާކޮށް ގައުމީ މޫސުމާއި ބެހޭ އިދާރާ (މެޓް އޮފީސް) އިން ހުދު ސަމާލު ނެރެފިއެވެ.
މެޓް އޮފީހުން ކުރެއްވި ޓްވީޓެއްގައި ހާމަކޮށްފައިވާ ގޮތުން މި ސަމާލު ނެރެފައި މިވަނީ ކ އަތޮޅުން ފެށިގެން ދ އަތޮޅާއި ހަމައަށެވެ.
އެގޮތުން މެޓް އޮފީހުން ހާމަކޮށްފައިވާ ގޮތުން ހަވީރު 16:30 އިން ފެށިގެން ޜޭގަނޑު 22:30 އާއި ހަމައަށް ބޯކޮށް ވާރޭ ވެހި ގުގުރާނެ ކަމަށް ލަފާކުރެވެއެވެ.
މީގެ އިތުރުން އެ އިދާރާއިން ހާމަކޮށްފައިވާ ގޮތުން ގަޑިއަކު 19 މޭލާއި 24 މޭލާއި ދެމެދު ބާރުމިނުގައި ވައި ޖެހި ވިލާގަނޑުގައި ގަޑިއަކު 40 މޭލަށް ވައިގަދަވެ ކަނޑުތައް ގަދަވާނެ ކަމަށް ވެސް ލަފާކުރެވެއެވެ.
ހުދު ސަމާލު ނެރެފައިވާ އިރު ކަމާއި ބެހޭ އިދާރާތަކުން އަންނަނީ ދަތުރުކރުުމުގައި ސަމާލުވުމަށް އިލްތިމާސްކުރަމުންނެވެ.
