އިންޑިއާގެ މީޑިއާތަކުން ބުނާ ގޮންޖެހުންތަކަށް ރައްދު ދެއްވަމުން ޕާކިސްތާނުން ބުނަމުންދަނީ މިއީ އިންޑިއާގެ ޕްރޮޕެގަންޑާ އެއް ކަމަށާއި، ގައުމުގެ އެންމެ އިންޗިއަކަށްވެސް ގެއްލުން ދިނުމުގެ ފުރުސަތު އެއްވެސް ބަޔަކަށް ނުދޭނެ ކަމަށެވެ.

ތާލިބާނުން ބޭނުންކޮށްގެން އެ ގައުމާއި ދެކޮޅަށް އިންޑިއާއިން ކުރަމުންދާ ސިއްރު ހަނގުރާމަ ހުއްޓާލުމަށް ޕާކިސްތާނުން ވަނީ މޯދީ ސަރުކާރަށް ގޮވާލާފައެވެ.

ހަމަލާތަކުގައި އަފްޣާނިސްތާނުގެ ބޯޑަރު 19 ޕޯސްޓެއް ޕާކިސްތާނުން ވަނީ އަތުލައިގަނެފައިވެއެވެ.

ޕާކިސްތާނުގެ ސަލާމަތީ އޮފިޝަލުން ވިދާޅުވީ އަފްޣާނިސްތާނަށް ދިން ހަމަލާއަކީ ގައުމުގެ ސުލްހައާއި ބޯޑަރުގެ ހަމަޖެހުމަށް ނުރައްކާ ކުރާ ޓެރަރިސްޓް ނެޓްވޯކްތަކާއި ޖަމާއަތްތައް ނައްތާލުން ކަމުގައެވެ.