މާލެ ސިޓީގެ ކުރީގެ މޭޔަރު ޑރ މުހައްމަދު މުއިއްޒުގެ ކުރު ދައުރުގައި 7 ލައްކައަށް ވުރެ ގިނަ ރުފިޔާ އެންމެ ފަސް ގައުމަށް ދަތުރުކުރުމުގައި ހޭދަކުރިކަން ހާމަވެއްޖެއެވެ.
މައުލޫމާތު ހޯދާ ލިބިގަތުމުގެ ގާނޫނުގެ ދަށުން އޮންލައިން ނޫސް "ދައުރު"އިން ހޯދަން އެދުނު މައުލޫމާތުތަކެއް ހިއްސާކޮށް މާލެ ސިޓީ ކައުންސިލުން ފޯރުކޮށްދިން މައުލޫމާތު ހާމަވާ ގޮތުގައި މޭޔަރު މުއިއްޒުގެ ކުރު 2 އަހަރުގެ ދައުރުގެ ތެރޭގައި ފަސް ގައުމަކަށް އެމަނިކުފާނު ދަތުރުކުރެއްވިއިރު އެ ދަތުރުތަކުގެ ޚަރަދަށް 7 ލައްކައަށް ވުރެ ގިނަ ދިވެހި ފައިސާ ޚަރަދުކޮށްފައިވެއެވެ.
އެގޮތުން މޭޔަރު މުއިއްޒު 2021 އާއި 2022ގައި ރާއްޖެއިން ބޭރަށް ކުރި ދަތުރުތަކުގެ ތަފްސީލަށް ބަލާއިރު އެމަނިކުފާނު ވަނީ:
މޭަަޔަރ މުއިއްޒު ބައިވެރިވެވަޑައިނުގަންނާވާ، ހަމައެކަނި ކައުންސިލަރުން ބައިވެރިވި އިތުރު ހަތަރު ދަތުރެއް ކޮށްފައިވާ ކަމަށް ވެސް މޭލޭ ސިޓީ ކައުންސިލުން ހާމަކުރި މައުލުމާތު އެނގެން އޮތެވެ. އޭރު ކައުންސިލްގެ މެޖޯރިޓީ އޮތީ ޕީޕީއެމް، ޕީއެންސީގައެވެ. އެ ދަތުރު ތަކަށް ޖުމްލަ 316,239.02ރ ޚަރަދުކޮށްފައިވެއެވެ. އެހެންކަމުން މޭޔަރުގެ ދަތުރުފޅުތަކާ ކައުންސިލަރުންގެ ދަތުރުތައް އެއްކޮށްލުމުން ޖުމްލަ 1.08 މިލިއަން ރުފިޔާ ޚަރަދުވެފައިވެއެވެ.
ނަމަވެސް މީގެ ތެރެއިން ގިނަ ބޭފުޅުން މިއަދު ދައުލަތުގެ އެކި މަގާމުތަކުގައާ އަދި މަޖިލީހުގައިވެސް ބައެއް ބޭފުޅުން ތިއްބަވައިގެން ގެންދަވަނީ ކައުންސިލްތަކުން ބޮޑެތި ޞޭކާރު ދަތުރުތައް ތަޖުރިބާ ދަތުރުތަކުގެ ނަމުގައި ކުރަނީ ކަމަށްބުނެ ކައުންސިލްތަކުގެ ބާރުވެސް ކަނޑުވާލަން މަސައްކަތްކުރަމުންކަން ފާހަގަކޮށްލެވެއެވެ.
