އައްޑޫގައި ވަކިވަކި ކައުންސިލްތައް ހަދަން ފެނޭތޯ ބަލަން ހިޔާލު ހޯދުމުގެ ވޯޓެއް އަންނަ މަހު ނަގަން ބޭނުންފުޅުވާކަން ރައީސް މިއަދު އިއުލާން ކުރައްވައިފި އެވެ.

ރައީސް މުއިއްޒުގެ ޕޮޑްކާސްޓް ޝޯގައި ވާހަކަފުޅު ދައްކަވަމުން އެމަނިކުފާނު ވިދާޅުވީ، އައްޑޫ ސިޓީ ކައުންސިލެއްގެ ގޮތުގައި އުފެދިފައިވާ ގޮތަށް ބަދަލު ގެންނަން އައްޑޫ މީހުން ބޭނުންވާކަން އެނގިވަޑައިގެންފައިވާ ކަމަށެވެ.

މީގެ އިތުރުން، އެންމެ ފަހުގެ ރިޔާސީ އިންތިހާބުގެ ކެމްޕެއިނަށް އައްޑު އަށް ކުރެއްވި ދަތުރުގައި ވެސް އެކަން އައިސްފައިވާ ކަމަށް ބުނެފައިވެއެވެ.

އަދި ރައްޔިތުން އެދޭ ކަހަލަ ދާއިމީ ހައްލެއް ގެނެސް ދެއްވާނެ ކަމަށް އައްޑޫ މީހުންނަށް ވައުދުވެވަޑައިގެންނެވި ކަމަށް ރައީސް މުއިއްޒު ވިދާޅުވެފައިވެއެވެ.

މުއިއްޒު ވެރިކަމާއި ހަވާލުވިފަހުން އެތަކެއް ވައުދުތަކެއް ވެ އެއްވެސް ވައުދުތަކެއް ފުއްދަން މަސައްކަތް ކުރައްވާތަން ނުފެނެއެވެ.

ގާނޫނުތަކަށް ބޮޑެތި އިސްލާހުތައް ގެންނަވާ މުއިއްޒު ބޭނުންފުޅުވާ ބަދަލުތައް ގެންނެވުމަށް ބޮޑެތި މަސައްކަތްތައް އަންނަނީ ކުރައްވަމުންނެވެ.