ރައީސް ޑރ މުހައްމަދު މުއިއްޒުގެ ސަރުކާރަކީ ފޮނި ކަނޑާ ސަރުކާރެއްގެ ގޮތުގައި މާލެ ސިޓީގެ މޭޔަރ އާދަމް އާޒިމް ސިފަކުރައްވައިފިއެވެ.

ޗެނަލް13ގެ ނިއުސް ޓޯކު ޕްރޮގްރާމުގައި ވާހަކަ ދައްކަވަމުން އާޒިމް ވިދާޅުވީ، މި ސަރުކާރުން އައި ފަހުން އަދި ތަރައްގީގެ ނަމުގައި ގާބުރިއެއްވެސް ނުބޭއްވޭ ކަމަށާ މުޅިންވެސް ރިބަން ކަނޑަމުން ދަނީ ކުރި ސަރުކާރުގެ މަޝްރޫއުތަކުގައި ކަމަށްވެސް އާޒިމް ވިދާޅުވިއެވެ.

ނަމަވެސް އާޒިމް ވިދާޅުވީ، މިއީ މިހާ ތަނަށް އެންމެ ގިން ހިލޭ އެހީ ލިބުނު ސަރުކާރު ކަމަށެވެ. އަދި އިންޑިއާގެ އެހީތެރިކަ،ާ އެކު ނޫނީ މި ސަރުކާރުން ކަމެއް ނުކުރާ އިރު މިސަރުކާރުން ވަނީ ލިބުު ހިލޭ އެހީތައް ބައިސާ ކަނޑަން ތަންތަނަށް ދަތުރުކުރުމަށް ތަޅާ ބުރުއްސާފައި ކަމަށްވެސް އާޒިމް ވިދާޅުވިއެވެ.

އާޒިމް ވިދާޅުވީ، ހުޅުމާލެ ވެސް މާލެ ސިޓީ ކައުންސިލްއާ ހަވާލު ނުކުރައްވާ ރައީސް މުއިއްޒު ވަނީ ގާނޫނާ ޚިލާފުވެވަޑައިގެންފައި ކަމަށެވެ.