މިނިވަން މީީޑިޔާއަށް ގައުމުގައި ޖާގަ ނުދޭނަމަ ގައުމުގެ ކުރިމަގެއް ވެސް ނޯންނާން ކަމަށް މާލެ ސިޓީގެ މޭޔަރ އާދަމް އާޒިމް ވިދާޅުވެއްޖެއެވެ.

އާޒިމް މިފަދައިން ވިދާޅުވީ، ޗެނަލް 13 ގެ ނިއުސް ޓޯކު ޕްރޮގްރާމުގައި ވާހަކަ ދައްކަވަމުންނެވެ.

އާޒިމް ވިދާޅުވީ، ރައްޔިތުން ވޯޓު ދީގެން ގެންނަ ސަރުކާރެއް ރައްޔިތުންނަށް ޖަވާބުދާރީ ވާން ޖެހޭނެ ކަމަށާ، އެގޮތުން ރައްޔިތުން އެ ރައްޔިތުންގެ ފައިސާ ހަވާލުކުރީ ސަރުކާރުގެ ވެރިންނާ ކަމަށާ އެހެންކަމުން ކޮންމެ ލާރި ފޮއްޗަކަށް ހަދަމުންދާ ގޮތް ރައްޔިތުންނަށް ސާފުކޮށްދޭން ޖެހޭނެ ކަމަށެވެ.

އެގޮތުން ރައްޔިތުންގެ ފަރާތުން އެކަންކަން ގިނަ ފަހަރު ކުރަނީ ނޫސްވެރިން ކަމަށާ ސަރުކާރުގެ ސްޕޮންސަރ އޮތަސް އެ މީޑިޔާއަކަށް ނުފޫޒު ފޯރުވައިގެން ނުވާނެ ކަމަށާ މީޑޔާތަކުން ނުފޫޒުން އެއްކިބާވެ ތިބި ރައްޔިތުންނަށް ތެދު ހާމަކޯށްދީ ސަރުކާރު ޖަވާބުދާރީ ކުރުވަން ޖެހޭނެ ކަމަށް ވެސް އާޒިމް ވިދާޅުވިއެވެ.

އާޒިމް ވިދާޅުވީ، ދުނިޔޭގެ އެއްވެސް ތަނެއްގައި ނޫސްވެރިންނާ ޖަދަލުކޮށް ސަރުކާރުތަކަށް ކުރިއެުން ލިބިފައި ނުވާ ކަން ފާހަގަކުރައްވާ އާޒިމް ވިދާޅުވީ މިިނިވަން މީޑިޔާ ނެތްތަނެއްގައި ކުރި މަގެއްވެސް ނޯންނާނެ ކަމަށެވެ.

އާޒިމް އިތުރަށް ވިދާޅުވީ، މި ސަރުކާރަށް ޕޯފޯމު ކުރުމަށް ވަގުތު ލިބިއްޖެ ކަމަށާ ނަމަވެސް އެ ޕޯފޯމެންސް ނުދެއްކުނު ކަމަށެވެ.