ކޮރަޕްޝަން ހުއްޓުވުމަށާއި މަގާމުގެ ނުފޫޒާއި ބާރުގެ ބޭނުންކޮށްގެން ދައުލަތުގެ ހަޒާނާއިން ވައްކަކުރާ މައްސަލަތަކުގައި މަޝްވަރާކޮށް ފިޔަވަޅު އެޅުމަށް މަތީފެންވަރުގެ ކޮންފަރެންސްއަކަށް ކުރީގެ ރައީސް މުހައްމަދު ނަޝީދު ގޮވާލައްވައިފި އެވެ.
ރައީސް ނަޝީދުގެ އެކްސް އެކައުންޓްގައި ކޮށްފައިވާ ޕޯސްޓެއްގައި ވަނީ ނަޝީދުގެ އޮފީހުން ނެރުނު ބަޔާނެއް ހިއްސާކޮށްފައެވެ.
މި ބަޔާނުގައި ވާގޮތުން މި ކޮންފަރެންސްއަކީ އެކި ސަރުކާރުތަކުގައި ނިޒާމީ ގޮތެއްގައި ހިންގާފައިވާ ކޮރަޕްޝަނާއި މަގާމުގެ ނުފޫޒާއި ބާރު ނަހަމަގޮތުގައި ބޭނުންކުރުމުގެ މައްސަަލަތައް ބަލާ ތަހުލީލުުކުރުމަށް ބާއްވާ ކޮންފަރެންސް އެކެވެ. މިއީ ކޮރަޕްޝަންގެ އަމަލުތަކާ ދެކޮޅަށް ދެމެހެއްޓެނިވި ހައްލެއް ގެންނަން ދިގު ރާސްތާގައި ފަށާ ހަރަކާތެއް ކަމަށް ބަޔާނުގައިވެ އެވެ.
މި ނޫސް ބަޔާނުގައި ފާހަގަކޮށްފައިވާ މުހިއްމު ނުކުތާތައް ތިރީގައި އެވަނީއެވެ:
މަތީ ފެންވަރުގެ މަޝްވަރާއަކަށް ނަޝީދު ގޮވާލައްވާފައި މިވަނީ، ކޮރަޕްޝަން ހުއްޓުވުމަށް ކުރަން ޖެހުނު ކޮންމެ ކަމެއް ކުރައްވާނެ ކަމަށް ރައީސް މުހައްމަދު މުއިއްޒު މިފަހުން ވިދާޅުވެފައި ވަނިކޮށެވެ.
