ގައުމަށްޓަކައި ކުރާ މަސައްކަތުގެ ތެރެއިން ހުރިހާ ސިޔާސީ ލީޑަރުންވެސް "ނޭޝަން ފަރސްޓު" ޕޮލިސީއާއެކު އެއް ގަލަކަށް އަރަންވާނެ ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވީ އާދިއްތަ ދުވަހުގެރޭ ޕީއެންއެފުން ބޭއްވި ޖަލްސާގައި ވާހަކަފުޅު ދައްކަވަމުންނެވެ.
ރައީސް ޔާމީން ވިދާޅުވީ ކޮންމެ ސިޔާސީ ޕާޓީއެއްވެސް ހިނގާނީ ލީޑަރުންތަކެއް ތިބެގެން އުސްލޫބެއް އޭގައި ހިމެނިގެން ކަމަށެވެ. ހުރިހާ ސިޔާސީ ޕާޓިއެއްގެ ވެސް އެންމެ ވަރުގަދަ އެންމެން އެއް ގަލަކަށް އަރަން ޖެހޭ ޕްެލެޓުފޯމަކަށް ވާން ވާނީ "ނޭޝަން ފަރސްޓު" ކަމަށެވެ.
ރައީސް ޔާމީން ވިދާޅުވީ ކިތަންމެ ގައުމަކުން އެހީތެރިކަން ދިން ނަމަވެސް އެ ގައުމެއްވެސް އަންނާނީ ރާއްޖެއަށް ފަހުގައި ކަމަށެވެ. ރައީސް ޔާމީން ވިދާޅުވީ، ސިޔާސީ ޕާޓީއކާ އެ ޕާޓީއެއްގެ މެމްބަރުންވެސް އެނބުރެނީ އެ ޕާޓީއެއްގެ ލީޑަރުންނާ އެކު ކަމަށާ އެއްވެސް ސަބަބަކާ ހެދި ނަގޫ ފިތިފައި ހުރި ލީޑަރަކާ އެކު ނިކުމެ އެންމެންގެ ތެރޭގައި އިސް އުފުލާލާ ހިނގާލެވޭނެ ކަމަށް ގަބޫލުކުރެވުމާ މެދު ސުވާލު އުފެދޭ ކަމަށެވެ.
ރައީސް ޔާމީން ވިދާޅުވީ، އެމްޑީޕީއިންވެސް މިހާރުވެސް ސަރުކާރު ޒިންމާދާރު ކުރުވަން މަގު މައްޗަށް ނުކުންނައިރުވެސް އިންޑިއާ ސިފައިން ތިބުމާ މެދު އެއްޗެއް ނުބުނާ ކަމަށާ އެމްޑީޕީ ވެރިންނަށް އެކަން އެމީހުންނަށް މައްސަލައަކަށް ނުވާ ކަމަށްވެސް ރައީސް ޔާމީން ވިދާޅުވިއެވެ.
އެކަމާ ގުޅިގެން އުނދަގޫވާ އެއްވެސް ވެރިއެއް ގައުމުގައި އެމަނިކުފާނު ފިޔަވާ ނެތްކަން ވެސް ފާހަގަކުރައްވާ ރައީސް ޔާމީން ވިދާޅުވީ ވެރިކަމަށް އައުމަށް ރައްޔިތުންގެ ވޯޓު ހޯދަންވުމުން އެންމެ ފުރަތަމަ ގައުމާ މިނވަންކަމޭ ވިދާޅުވުމަށް ފަހު ވެރިކަމަށް އައިސް ބައެއް ވެރިން ވިއްކާލަނީ ގައުމު ކަމަށެވެ.
