ބ. އަތޮޅުން ފެށިގެން ލ. އަތޮޅާއި ދެމެދުގެ ރަށްތަކަށް ހުދު ސަމާލު ނެރެފިއެވެ.
މޫސުމާއިބެހޭ ޤައުމީ އިދާރާއިން ބުނީ އެ ސަރަހައްދުގެ ރަށްތަކަށް ވައިޖެހޭނީ ގަޑިއަކު 40 މޭލަށް ކަމަށާއި ކަނޑުތައް ވަރަށް ގަދަވާނެ ކަމަށެވެ.
އަދި ބޯކޮށް ވާރޭ ވެހުންވެސް އެކަށީގެންވާ ކަމަށް އެ އިދާރާއިން ބުނެފައިވެއެވެ.
މި ސަމާލު ނެރެފައިވަނީ ހެނދުނު 08:30 އިން މެންދުރު 13:30 ހަމައަށެވެ.
މިއަދުގެ ހެނދުނުގެ ވަގުތުގައި މާލެސިޓީ ސަރަހައްދަށް ވެސް ވަނީ ބޯކޮށް ވާރޭ ވެހިފައެވެ. އަދި އިއްޔެގެ ވަގުތެއްގައިވެސް ވަނީ ވާރޭގެ އަސަރު ކޮށްފައެވެ.
މޫސުމާ ބެހޭ އިދާރާއިން ވަނީ މޫސުމަށް ސަމާލުވުމަށް އިލްތިމާސްކޮށްފައެވެ.
