ދުނިޔޭގެ އެންމެ ބުރަ އަސްކަރީ މުބާރާތް ކަމަށްވާ ޔޫކޭގެ ކެމްބްރިއަން ޕެޓްރޯލް މިލިޓަރީ މުބާރާތް ކާމިޔާބުކޮށް ޕާކިސްތާނުގެ ސިފައިން އެގައުމު ފަޚުރުވެރިކޮށްފިއެވެ.

ވަރުގަދަ އެތައް ގައުމެއްގެ ސިފައިން ބައިވެރިވި ނަމަވެސް ޕާކިސްތާނުގެ ސިފައިން މުޅި ދުނިޔެއަށް ފާހަގަކޮށްލެވިގެން ގޮސްފައިވަނީ އެމީހުންގެ ވަރުގަދަކަމާއި ހުނަރާއި ޓީމް ވޯކް އިންނެވެ.

މަންޒަރު ބަލަން ތިބި މީހުން ބުނި ގޮތުގައި އެހެން ގައުމުތަކުގެ ސިފައިން އުނދަގުލުގައި މަސައްކަތް ކުރިއިރު ޕާކިސްތާން ސިފައިން އެ ގޮންޖެހުންތައް ފުރިހަމަ ކޮށް މި މަގާމު ހޯދީ އިތުބާރާއެކު ކަމަށެވެ. އެމީހުން ދެއްކި ތަމްރީނާއި ޑިސިޕްލިންއަކީ އެމީހުންނަށް ކޮންމެ ބަޔަކާއިވެސް ހަނގުރާމަކޮށް ކާމިޔާބު ކުރުމުގެ ހުނަރު ހުރިކަމަށްވެސް ގިނަ ބަޔަކު އަންނަނީ ބުނަމުންނެވެ.

މި ކާމިޔާބަކީ ދުނިޔޭގެ އެކި ކަންކޮޅުތަކުގައި ޕާކިސްތާނާއި ޕާކިސްތާނުގެ ސަޕޯޓަރުންނަށް އުފާވެރިކަމާއި ފަޚުރުވެރިކަން ގެނެސްދިން ކާމިޔާބީއެކެވެ. އެއިން އަނެއްކާވެސް ދައްކުވައިދެނީ ޕާކިސްތާން ސިފައިންނަކީ ވަރަށް ގާބިލް އަދި އަބަދުވެސް ޕްރެޝަރުގައި ޕާފޯމް ކުރަން ތައްޔާރަށް ތިބި ބައެއްކަމެވެ.

ސޯޝަލް މީޑިއާގައި ގިނަ ބަޔަކު މިހާރު ދަނީ ޕާކިސްތާނުގެ ސިފައިންނަކީ ދުނިޔޭގެ އެންމެ މޮޅު އެއް ސިފައިން ކަމަށެވެ. މި ބޮޑު ކާމިޔާބީއާއެކު ޕާކިސްތާނުން ވަނީ އެގައުމުގެ ބާރު ސާބިތުކޮށްދީ މުޅި ދުނިޔޭގެ އިހުތިރާމް ހޯދާފައެވެ.