ކުރިއަށް އޮތް 10 ދުވަސްތެރޭގައި ސަރުކާރުގެ ގިނަ މަޝްރޫއުތަކެއް އަމިއްލަ ކުންފުނިތަކާ ހަވާލުކުރައްވާނެ ކަމަށް ވިދާޅުވެ ރައީސް ޑރ.މުހައްމަދު މުއިއްޒު އިތުރުފުޅު ހައްދަވައިފިއެވެ.

އެމަނިކުފާނު މިހެން ވިދާޅުވީ، ލ. އަތޮޅުގެ ރަށްތަކަށް ކުރައްވަމުންގެންދަވާ ދަތުރުފުޅުގެ ތެރެއިން ލ. ގަމުގައި ބޭއްވި ޖަލްސާގައި ބޭއްވި ޖަލްސާގައެވެ.

ރައީސް މުއިއްޒު މިފަދައިން ވިދާޅުވިއިރު ސަރުކާރުން ގިނަ މަޝްރޫއުތައް ހަވާލުކުރަމުން އަންނަނީ ސަރުކާރުގެ ކުންފުނިތަކާއެވެ.

މިފަހަކަށް އައިސް އެއާޕޯޓު ކުންފުންޏާ ވެސް ގިނަ މަޝްޜޫއުތަކެއް ހަވާލުކުރަމުން އަންނަވަރުން އެ ކުންފުނިން ވަނީ ކުންފުނީގެ ދަށުން އައު ކުންފުންޏެއް ވެސް އުފައްދަވާފައެެވެ.

ސަރުކާރުން އަމިއްލަ ކުންފުނިތަކާމެދު ނުވިސްނާކަމަށް ބުނެ އަމިއްލަ ކުންފުނިތަކުގެ ވެރިން ކަންބޮޑުވުން ފާޅުކުރަމުން އަންނާތީ ރޭ ބޭއްވި ޖަލްސާގައި ޑޭމޭޖް ކޮންޓްރޯލް ކުރުމަށް ރައީސް މުއިއްޒު ވަނީ އަމިއްލަ ކުންފުނިތަކާ ދިިހަ ދުވަސް ތެރޭ ގިނަ މަޝްރޫއުތަކެއް ހަވާލުކުރާނެކަމަށް ވިދާޅުވެފައެވެ.

އަމިއްލަ ކުންފުނިތަކާ މަޝްރޫއުތައް ހަވާލުކުރި ނަމަ ވެސް ކުރިންވެސް އެ ކުންފުނިތަކަށް ސަރުކާރުން ފައިސާ ނުދޭ އެތައް މައްސަލަ އެއްް ފެންމަތިވެފައިވެއެވެ.