ރައީސް އަބްދުﷲ ޔާމީން އިސްވެ ހުންނަވާ އުފެއްދެވި ޕީޕަލްސް ނެޝަނަލް ފްރޮންޓުގެ 20 މަގާމަށް 55 ބޭފުޅުން ކުރިމަތިލައިފިއެވެ.

ޕީއެންއެފްގެ 20 މަގާމަކަށް ކުރިމަތިލާން ހުޅުވާލީ އޮކްޓޯބަރު މަހުގެ 18 ވަނަ ދުވަހުއެވެ. މަގާމުތަކަށް ކުރިމަތިލުމުގެ ސުންގަޑި އަކީ 23 އޮކްޓޯބަރު 2025 ވަނަ ދުވަހުގެ އިރުއޮއްސި 6:00 އެވެ. ސުން ގަޑި ހަމަވިއިރު، ޕާޓީގެ ރައީސްކަމުގެ މަގާމަށާ ނައިބުންގެ މަގާމުގެ އިތުރުން ޕާޓީގެ ޚަޒާންދާރުގެ މަގާމަށް އަދަދު ވުރެ އިތުރަށް ކުރިމަތިނުލައެވެ. 14 ސެނެޓަރުންގެ މަގާމަށާ އަދި ޕާޓީގެ ރަޖިސްޓްރާގެ މަގާމަށް 51 ބޭފުޅުން ކުރިމަތިލާފައިވެއެވެ.

ކުރިމަތިލި ބޭފުޅުންގެ މެދުގައި ގުރު ނެގުން އެ ޕާޓީގ އޮފީހުގައި ބުރާސްފަތި ދުވަހުގެރޭ ވަނީ ކުރިއަށް ގެންގޮސްފައެވެ.

މަގާމުތަކަށް ކުރިމަތިލީ ބޭފުޅުންގެ އިންތިޚާބު ކުރިއަށް ދާނީ މި މަހުގެ 30 ވަނަ ދުވަހު ބާއްވާ ޕީއެންއެފްގެ ގައުމީ ޖަލްސާގައެވެ.