ރައީސް އަބްދުالله ޔާމީން އަބްދުލްގައްޔޫމަށް ހއ.ދިއްދޫއިން ހޫނު މަރުހަބާއެއް ކިޔައިފިއެވެ.
އެމަނިކުފާނު ދިއްދޫއަށް ވަޑައިގެންފައިވަނީ ރައީސް ޔާމީންގެ އޮފީހުން ހާމަކުރި ގޮތުގައި އެކި ދާއިރާތަކުން ފާހަގަކުރެވޭ ފަދަ އަގުހުރި ޚިދުމަތްތަކެއް ހއ. އަތޮޅަށް ކޮށްދެއްވާފައިވާ ފަރާތްތަކާއި، އަދި މިނޫނަސް ތަފާތު ފަންނުތަކުން ފާހަގަކޮށްލެވޭ ފަދަ އަގުހުރި ޚިދުމަތްތަކެއް ހއ. އަތޮޅަށް ކޮށްދެއްވާފައިވާ ފަރާތްތަކާއި، ހއ. އަތޮޅުގެ ސްކޫލް، މަދަރުސާތަކުން ފަޚުރުވެރި ވަނަތައް ހޯދާފައިވާ ދަރިވަރުންނާއި، އަތޮޅަށް އެންމެ ޚިދުމަތްތެރި ރިޒޯޓަކާއި، އަދި ހއ. އަތޮޅުގެ އެންމެ ހިންގުންތެރި ރަށު ކައުންސިލާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީ އާއި، ކުލަބް ޖަމްއިއްޔާއެއް ފާހަގަކޮށް، އެ ފަރާތްތަކުގެ އަގު ވަޒަންކުރުމުގެ ގޮތުން ތިލައުތުރު އެވޯޑްގެ ނަމުގައި ހއ.އަތޮޅު ކައުންސިލުން ދެމުންދާ ޚާއްސަ އެވޯދް ޝަރަފްވެރިކޮށް ދެއްވުމަށް ރައީސް ޔާމީނަށް ހއ އަތޮޅު ކައުންސިލުން އެރުވި ދައުވަތު ގަބޫލުފުޅުކުރެއްވުމަށްފަހުއެވެ.
މި ދަތުރުގައި އެމަނިކުފާނުގެ އަރިހުގައި އެމަނިކުފާނު އިސްވެ ހުންނަވާ އުފެއްދެވި ޕީއެންއެފްގެ ބައެއް ފައުންޑަރ މެމްބަރުންވެސް ބައިވެެރިވެވަޑައިގެންފައިވެއެވެ.
ދެ އަހަރުން އެއް އަހަރު ބާއްވާ ތިލައުތުރު އެވޯޑު ރަސްމިއްޔާތު އޮންނާނީ ހޯމަ ދުވަހުގެރެއެވެ. މި ރަސްމިއްޔާތު ޗެނަލް 13 އިން ލައިވްކޮށް ދައްކާނެއެވެ.
